A貨樂家杏仁糖
在前奏篇時, 已將內餡Butter Crunch Toffee做好, 只欠加上朱古力外層。下班後, 立即火速到二得惠入貨! 朱古力, 杏仁角, 還有金色的包裝紙! 
十分急趕, 回家煮晚飯, 清洗好碗碟, 已是八點半……………
因為天氣又轉涼, 我的馬卡龍沒有穿裙子, 所以立即又焗一盤馬卡龍並給它們穿上裙子, 以免著涼! 然後才開始做A貨樂家杏仁糖! 趕死喔! 
幸好過程蠻順利! 十分成功! 爺!!!
味道(尤其內餡)跟正貨的有九成以上相似 (其實大爺和我都覺得有95%相似), 好開心哩!!!!!!
快到的農曆新年, 就不會再走到超市買糖來送禮, 而改為送自家製的 “我家杏仁糖” 哩! 
外層: 調溫朱古力 300g (已包括調溫操作時的份量) 及杏仁角 約100g
內層: Butter Crunch Toffee
牛油 75g
糖 125g
粟膠/水苔麥芽 1湯匙 (用麥芽糖也可)
水 1湯匙
雲呢拿香油 1茶匙 (我沒有加)
1) 內層所有材料放入煲內, 用中火煮溶
2) 一路用中火煮約10分鐘, 其間會滾起泡泡, 不用擔心, 只要不滾瀉就可以, 約接近7或8分鐘時, 糖漿會由半透明白色轉至淡黃色, 其間輕輕攪拌幾下, 用溫度計量一下, 糖溫到150度即熄火, 此時糖漿顏色會是淺啡色
3) 將糖漿倒入模內, 這份量可做出 21cm (L) x 5cm (W) x 1.5cm (H) 的長條型糖果, 模可用硬咭紙裁出並放入牛油紙防黏, 或者直接倒在牛油紙上用木棍檊成所需大小, 但因糖溫頗高, 要小心!! (有人反應牛油紙會黏紙….. 既然是這樣, 用不黏布最穩陣(雖然我用牛油紙沒有黏)
4) 待稍降溫後, 立即切件(用手指按一按, 面有點硬和挺身, 但用力都可以按入, 才可切件, 太軟時切會變形), 如待完全涼後, 就切開不了及會四分五裂! (我較喜歡用自製的硬咭紙模, 方便切件, 切一刀就是一條的內餡, 如自己用木棍檊出不規則的大小, 可能要切幾刀才可做出一條, 容易令糖變型)
5) 將一條杏仁糖放入已調溫朱古力內, 沾上朱古力後, 放在烤至微香的杏仁角上滾幾下, 待稍為凝固後取出, 放在糖紙上至完全凝固即成!
大家也可參考以下網址, 是另一個食譜和做法, 很詳細, 但內餡成品出來的顏色好像深了些:
http://blog.yam.com/homeeconomics/article/12138671
還有要提一下, 用自製的硬咭紙模做內餡, 切出來很工整, 四四方方, 不會成半圓形或古怪形狀! 請看看, 是不是跟原裝正版的十分相像哩!
還囉唆一句, 這食譜煮糖部份十分容易, 成功率很很很很高! 喜歡吃這種糖的朋友, 一定要試呀! 吃過一遍後, 保證你不會再花錢去超市買現成的來吃!
YES......... NO.1.......
回覆刪除我終於等到佢出場喇, 期待左兩日呢...... 唔駛講都知一定正, 有時間我一定整, 哈哈!
[版主回覆12/30/2008 15:59:00]努力呀, 有咩問題可以再發問哩!
Lyric妳真係好多出品呀！ヌ咁好咁詳細分享！！
回覆刪除[版主回覆12/30/2008 15:59:00]客氣勒, 和你們分享, 是一種福氣來的!
真係好似呀!!! 不得了~~~
回覆刪除[版主回覆12/30/2008 15:57:00]我呢個A貨都好好手工架!
你呢個A貨真係不得了呀~
回覆刪除[版主回覆12/30/2008 15:56:00]哈哈, 會唔會比海關拉架
好成功呀 ...... 朱古力同杏仁上得好靚
回覆刪除我好心急呀，今朝第一時間到妳到睇妳家的杏仁糖
Yeah ....... 今年個全盒一定好多親戚朋友搶住，要一試妳的成品
[版主回覆12/30/2008 15:55:00]嘻嘻, 你都整得好靚呀! 你O個D好似細粒過我O個D, 我鐘意細粒呢! 今年要自己做糖送禮, YEAH!!!!
我去tigger度睇完再黎睇, 原來你已包了金色紙, 真係似得好緊要啊!
回覆刪除[版主回覆12/30/2008 15:51:00]哈哈!! 都係幾似既, A貨嘛!!!
THANKS FOR SHARING !
回覆刪除請問水苔麥芽 = 普通麥芽糖嗎 ?
[版主回覆12/30/2008 15:50:00]其實係有小小唔同, 但因為只落一湯匙之嘛, 我有時用哂水苔麥芽, 都會用普通麥芽糖做呢個糖架!
看來好似又好味,亦不難做喎!!!
回覆刪除[版主回覆12/30/2008 15:49:00]味道同樂家係好似好似架! 你咁勁, 一定難唔到你架!
好掂呀! 裡面Butter Crunch Toffee可否做美心天使蛋糕的脆脆呢?!
回覆刪除Happy New Year !
[版主回覆12/30/2008 15:49:00]係唔同架, 美心個脆脆我有食譜, 你要唔要呀??
好似啊........連包裝都係,叻叻!
回覆刪除[版主回覆12/30/2008 15:48:00]謝謝!
你都試下啦!
好得呀! 勁似呢!!
回覆刪除[版主回覆12/30/2008 15:48:00]嘻嘻, 都幾似哩!
唔好意思呀, 可唔可以簡單講一講外層既朱古力點調溫, 要幾多度呢...??? THANK YOU~
回覆刪除[版主回覆12/30/2008 15:47:00]唔同牌子的朱古力都有唔同, 調溫一般書上說是32度, 但又不能盡信溫度計喎, 而且首先要加熱朱古力至四十幾五十度, 先可以降溫喎........
講調溫, 真係千字都講唔完, 如有興趣, 都係到創意西點教室跟Johnny學番一堂會好d..(唔係賣廣告呀)
好似喎,好想試一粒
回覆刪除[版主回覆12/30/2008 19:02:00]你都試下整啦!
好得呀.
回覆刪除[版主回覆12/30/2008 21:30:00]謝謝!
哇。。你真係掂呀，連哩個都整到咁似樣，勁呀！
回覆刪除[版主回覆12/30/2008 21:30:00]你有無興趣試下整呢?
一睇就好正呀!
回覆刪除多謝你的食譜,我有空一定整呀!
[版主回覆12/31/2008 09:06:00]唔洗客氣, 好野大家分享嘛!
正丫~我好鍾意食架！我可以拎住一盒，邊食邊睇電視，眨下眼就消滅晒！今次有你個食譜，我就可以自己整喇！
回覆刪除[版主回覆12/31/2008 09:05:00]大爺又係食不停呀! 我而家要限住佢一日只可以食幾粒!
又真係幾似樣bor~掂
回覆刪除[版主回覆12/31/2008 09:05:00]多謝!
見到你整得咁成功，心思思想試下整呢~!我唔客氣囉~!食譜拿走了~!
回覆刪除[版主回覆12/31/2008 09:04:00]歡迎之致呀! 努力呀!
唔講以為係真架，不過講左都應該同樂家杏仁糖一樣咁好味，多謝你既分享呀!
回覆刪除好似好好味咁喎，如果有得試味就好囉
回覆刪除我啲內餡痴了紙, 又痴了模, 唯有放在不沾布上, 所以外型不理想.
回覆刪除[版主回覆01/01/2009 18:16:00]首先, 放在牛油紙上, 要待稍涼才可切, 如果還好熱時切, 根本就未成型, 一切咪痴囉。何時為之稍涼, 就要自己試, 切小小, 一痴, 咪等多一兩分鐘又試囉, 總之你糖溫煮至150度, 只要稍涼才切, 就一定OK! 努力, 再試下啦!
睇完您D相.... 同埋 食譜, 好想整一堆送俾朋友... :)
回覆刪除[版主回覆01/01/2009 20:07:00]好吖! 只要跟住食譜做, 一定成功架, 記住好小火或中小火煮糖, 整個煮糖過程不會超過10分鐘!
哇, 呢個真係好利害喎!!
回覆刪除新年前我可以整金莎杏仁糖喇~ (哈哈, 好似mix左兩個品牌咁)
[版主回覆01/04/2009 14:27:00]好吖, 聽到你們喜歡就好了!!
我買晒材料隨時可以開工喇, yeah.................
回覆刪除[版主回覆01/04/2009 14:27:00]期待你成品呀!!!
Lyric 老師, 想請教一下個餡我覺得"稍為"脆左少少, 唔知係咩原因呢? 會唔會係我落多左粟膠呢? ^^
回覆刪除http://hk.myblog.yahoo.com/pikwahchan.friend/article?mid=1869
[版主回覆01/04/2009 14:25:00]哎呀呀~~~~ 大家交流吧! 老師這個名字我當之有愧!!!!!
我通常會將糖早一晚做好, 你可以試下, 第一晚做好的吃起來會跟第二天吃的口感不一樣, 剛做起的很脆卜卜, 第二天的是"鬆脆"。如喜歡"鬆脆"口感, 早一晚做起, 等第二天才上朱古力, 試下會否好一點。
另外, 試下用麥芽糖代替粟膠, 顏色深d!
不過, 你好叻叻呀, 做得好靚仔, 個樣好吸引, 沾朱古力和杏仁都做得好乾淨噃
我整完喇, 真係超好味, 勁似呀! 多謝你既分享, 錫晒你呢... yeah yeah yeah...
回覆刪除[版主回覆01/04/2009 20:19:00]快D POST 出來睇下, 好心急哩!
我好鍾意食架~~~:D~~~~~
回覆刪除[版主回覆01/07/2009 13:37:00]咁你都試下整啦!
hi,你好呀,見到你個食譜好吸引,都想試吓整
回覆刪除但係想問吓點樣可以自製硬咭紙模呀? tks
[版主回覆01/14/2009 15:58:00]你睇下呢個 http://hk.myblog.yahoo.com/tsoipopo/article?mid=2078
點樣可以自製硬咭紙模呀?我用了牛油紙,痴晒底.
回覆刪除[版主回覆01/14/2009 15:57:00]你睇下呢個 http://hk.myblog.yahoo.com/tsoipopo/article?mid=2078 , 唔會"痴"呢
你睇吓 : 敗家杏仁糖 我真係痴晒係張牛油紙度喎
回覆刪除[版主回覆01/14/2009 19:20:00]我知我知....我明我明.....
係牛油紙問題, 定係糖溫太高問題, 我都不清楚, 最好方法用不沾布吧!
好多謝你
回覆刪除你好呀，我本身都好鍾意食lee 隻糖0家
回覆刪除我照你個食譜整都出黎，真係好似、好好味呀! 真係好多謝你無私既分享!
另一方法，我想請教一下, 我整既拖肥糖係比較軟身而非脆既, 請問知唔知道係咩原因呢? 打擾晒
p.s. 我家人朋友都話軟身比脆的好, 因為易咬, 不過個人想追求完美, 請多多指教, 哈哈!
[版主回覆01/16/2009 08:54:00]客氣哩!喜歡就好了!
糖的軟硬度取決於煮糖時的溫度, 溫度越高, 糖越硬, 反之則越軟!
如果你有將糖煮至150度, 糖是硬脆的, 否則, 就是你煮糖溫度不足了!
嘩.........真係偉大發明呀 !! 我媽咪勁 like 呢隻糖 ~ 我一定要試下整...最好是我又齊材料...嘻嘻 ! 另我睇左你條 link 個自製的硬咭紙模 .....我想問個紙模係咪要用 d 咩紙特別做架 ?? 呢個份量可以整幾多架 ??? 仲有如無溫度計...咁點好 ?? 係咪好似煮焦糖咁...淡啡色就 ok 架啦 !!
回覆刪除[版主回覆01/21/2009 13:42:00]我想問個紙模係咪要用 d 咩紙特別做架 ?? <---無特別噃
呢個份量可以整幾多架 ??? <-- 21cm (L) x 5cm (W) x 1.5cm (H) , 睇你點切
仲有如無溫度計...咁點好 ?? <-- 無電子溫度計, 那不用整, 因為一定要量糖溫
咪好似煮焦糖咁...淡啡色就 ok 架啦 !! <--- 請用溫度計
嘩~~好吸引喎~~~
回覆刪除ok....我已買了溫度計啦. 另外我問你咭紙有無咩特別紙是因為我怕佢會黏紙 ?! Anyway....Thanks ~!
回覆刪除謝謝你的分享!!! 我新年時都整左呀
回覆刪除味道真係好似樂家呀 thanks so much le~~~
真係好勁阿
回覆刪除你個顏色真係靚過周老師個D好多...係吾係你冇用cream 所以淺色D呢?
回覆刪除我好想整，所以有D問題想請教你。我有溫度計，但唔係電子可以嗎？另外，我想問你係用咩質地既咭紙呢？
回覆刪除我有些不明白,有問題想請你指教,你說..."外層: 調溫朱古力 300g (已包括調溫操作時的份量) ",即係要自己做埋朱古力調溫或係買已調溫朱古力來做呢? thanks!
回覆刪除請問這個份量可以做多少粒?
回覆刪除點解我整出黎唔係趣ge??
回覆刪除