榴槤戚風蛋糕
經過水果店, 被飄來的榴槤之香吸引了!
雖然大爺不愛吃, 但還是買了一大個, 跟老爺和奶奶吃個滿足!
餘下只有三數粒, 去核去衣, 壓爛過篩, 做了一個香幽香陣陣的榴槤戚風!
Q潤, 郁香, 好吃!
食譜 (因家裡剛不夠雞蛋, 榴槤肉又只剩下小量, 所以食譜是我即場調節, 水的份量較多, 但很Q潤)
近些看…
榴槤 80g
蛋黃 30g
砂糖A 30g
沙拉油 35g
水 120g
低筋面粉 80g
蛋白 120g
砂糖B 30g
1) 榴槤用叉子壓爛, 用篩過濾 餘下榴槤的衣及纖維都棄掉去, 只取那綿綿的果肉
2) 蛋黃加砂糖A混合至糖溶, 加入1)拌勻, 然後一口氣加入沙拉油混合, 再拌入水份
3) 篩入低筋面粉於2)中, 拌至沒有乾粉即可
4) 蛋白加砂糖B打發至濕性發泡, 與3)混合, 倒入17cm模內, 170度焗40分鐘, 倒扣一晚脫模
榴槤 looks very yummy, I love it!!
回覆刪除[版主回覆03/25/2009 13:19:00]鐘意食榴槤就會好鐘意, 唔愛個d, 死都唔肯食!
好特別既戚風呀! 榴槤味.....正
回覆刪除[版主回覆03/25/2009 13:18:00]你要唔要試下?
初初學整戚風仲未成功時都整過呢種口味~ 不過唔係好出味:p 有冇試過榴槤煲湯? 煲雞湯好好飲架~ 我開頭都好懷疑, 不過連怕榴槤既男友都話好飲, 不過知道用咩煲之後就唔飲lu :p
回覆刪除[版主回覆03/25/2009 13:17:00]榴槤整戚風好出味架, 食完個口都仲一肤榴槤味架!
乜煲雞好飲咩? 要落幾多呀??
我好鍾食榴槤架, 等我都試試先
回覆刪除[版主回覆03/25/2009 13:16:00]好呀! 試完話我知呀!
切開睇落好吸引~頭頭仲以為用榴槤肉整蛋糕會一pat pat添
回覆刪除[版主回覆03/25/2009 13:16:00]其實好似香蕉咁, 壓爛過篩就ok!
份量隨意架咋^^"\ 阿媽話d唔甜既榴槤攞去煲最好喎
回覆刪除[版主回覆03/25/2009 16:23:00]阿媽話d唔甜既榴槤攞去煲最好喎<-- 咁又幾好喎!
嘩!榴槤加Q潤,正呀!
回覆刪除[版主回覆03/25/2009 16:23:00]好味!
等遲下大造，我就會試下整架喇~~
回覆刪除[版主回覆03/25/2009 16:23:00]依家都大大地造, 好多生菓店都有得賣, $38一個, 靚到暈!
好正呀! 我愛榴槤味呀~~
回覆刪除[版主回覆03/25/2009 16:17:00]知音人喔!
嘩! 榴槤... 我怕怕呀!
回覆刪除[版主回覆03/25/2009 16:17:00]嘿嘿.... 大爺都好怕架!
前幾經過生果檔, 已開始有甲倫賣, 好香~
回覆刪除我都要試整呀...想問下你用幾吋模呢? (160g 蛋白)
[版主回覆03/26/2009 12:44:00]17cm模!
oh~ 呢個唔駛預我喇, 不過老爺同奶奶都鍾意食梗係要整喇!!
回覆刪除[版主回覆03/26/2009 12:46:00]廿四孝新抱仔喎~~
=.= 榴槤???............
回覆刪除[版主回覆03/26/2009 12:46:00](Empty)
你整得好有經驗呀,我好想整戚風,但係 新手,如果第一次整唔想失敗,跟你邊隻食譜會好Ｄ呀?
回覆刪除用20cm咁,份量係咪X2呀?溫度同時間要點控制呀?唔該...........
[版主回覆03/26/2009 12:50:00]唔想失敗, 其實無話用邊個食譜好D.
反而要注意蛋白霜打發, 最初做, 最好做原味或者茶味(如紅茶/烏龍荼), 而朱古力/抺茶, 因為可可粉同抺茶粉都會影響膨脹, 做好有D經驗後先好做
另外20CM模的份量, 可參考: http://hk.myblog.yahoo.com/meowylyric/article?mid=2579 (看最底)
有咩唔明再問
榴槤 ..........都唔係我杯茶呢!
回覆刪除[版主回覆03/26/2009 12:52:00]嘿嘿.... 愛它的, 會愛C它哩..
用榴槤做戚風都係第一次響網上見倒! 可惜我老公唔食榴槤啦!
回覆刪除[版主回覆03/26/2009 17:09:00]可以用其他材料! 蕃薯都得呢!
原來你是做戚風的高手, 那我做的戚風一定不能入你法眼啦
回覆刪除好奇問下, 你做戚風試過幾多次先成功啊？
[版主回覆03/26/2009 17:08:00]第一次就成功! 但唔係我叻, 而係本書好好, 好詳細呀!
打發蛋白霜時,蛋白係咪要凍嫁?
回覆刪除蛋白 霜打好後,提起時,尖尖响下垂,就係正確嗱?係咪姐係濕性發泡呀?
[版主回覆03/26/2009 19:14:00]係呀, 濕性發泡, 切勿打過龍, 可看之前的POST, 有影片喔!
點解要倒扣一晚, 才脫模嘅?唔係凍晒就得咩?
回覆刪除[版主回覆03/27/2009 09:03:00]其實戚風各樣的要點, 在之前的post都有介紹, 可以睇番
倒扣問題, 現解釋多次啦(見係你咋 )
Q潤戚風水份多/果肉多, 蛋黃少, 蛋白霜打發至濕性, 會比乾性打發的無咁穩定, 但膨脹力強噃!
成品輕軟又Q潤, 初出爐時很脆弱, 組織不穩定, 倒扣一晚待組織穩定, 才脫模
而且第二天吃更Q潤喔!
點解要倒扣一晚, 才脫模嘅?唔係凍晒就得咩?
回覆刪除雖然我唔食榴槤, 不過我一定食你呢款chiffon呢... sure好味喇...
回覆刪除[版主回覆03/27/2009 08:58:00]多謝棒場
丫~~~榴槤呀, 我好鐘意, 下次要跟你試試先
回覆刪除I love love love durian! 呢個好正呀!! 其實如果唔過篩成嚿果肉壓爛就落會點呀? 係咪多d fibre咋? or驚d fibre整到攪唔均?
回覆刪除我噚晚整咗黑芝麻戚風,第一次試打蛋白唔好打到咁乾身但可能末打到soft peak,郊果唔太好... 反而我一直用自己嘅方法-多水份少油但企身蛋白霜就做到好似你上圖嘅效果,戚風真係變化多端!
我又想問吓 無腰骨的烏龍茶戚風蛋糕 (II) 倒扣個樽係咩樽喱嫁?我揾咗好多個入唔到個模內圈(樽口太大,但又包唔晒放入樽內),你果個好似樽口好大,可以包晒入樽口 內嘅?係咪好Ｄ嫁?
回覆刪除我尋晚整咗喇,請你睇睇俾Ｄ意見我丫
http://hk.myblog.yahoo.com/pats05/article?mid=1692
[版主回覆03/27/2009 21:35:00]個樽好似係蠔油樽
其實, 你只要用個杯, 反轉個杯, 將戚風放在上面(即杯底), 咁咪得囉, 我有時都懶用個樽, 用個杯
戚風係咪要爆成咁,先至叫好嫁,但係我覺得放响碟到,個底有Ｄ唧咗出嚟,唔係咁靚仔喎,係咪要用刀切咗多餘果Ｄ出嚟 先放落碟到嫁
回覆刪除[版主回覆03/27/2009 21:57:00]其實無話要有幾爆, 因為蛋白多嘛, 膨脹力特強!
日本仔做出來賣個D, 都係咁咕喎(個底有D唧出來)..
唔好咁介意個底, 戚風最享受的, 是那份Q潤口感呀!
哦...........明白哂喇!
回覆刪除[版主回覆03/28/2009 18:19:00]冰雪聰明喎!
榴槤都得？！哈哈～我好似聞到ｄ榴槤香呀！！！
回覆刪除[版主回覆03/28/2009 18:18:00]咁厲害! 千里傳香呢招失傳左好耐勒!
在helen's blog度知你想訂火槍，現六月寶寶's blog做團購，還欠數套才有優惠，你可去睇吓
回覆刪除您這個戚風一定好鬆軟 不過我本身好怕榴槤 ......
回覆刪除[版主回覆03/28/2009 18:18:00]可以加入其他食材噃!
哩個我家人一定超鐘意呢！真係要搵日試試！
回覆刪除[版主回覆03/28/2009 18:18:00]唔好錯過呀, 好好味架!
嘩， 不得了， 榴槤雪芳蛋糕 ， 一定要試整!
回覆刪除妳真犀利 可以整得咁好, 吾好意思, 我整過二次都失敗, 第一次倒扣後就成個餅跌出黎, 而且仲好濕, 好似"梳乎里", 第二次我再焗耐d, 個樣似d, 但都係好濕, 仲有我想請問我係放係中間個層焗, 焗到大約至25-30分鐘,佢有爆開, 但是開始有d燶, 我可吾可以呢個時候轉去下層呢 ?
回覆刪除[版主回覆04/30/2009 11:45:00]你個爐幾大, 用幾多寸模入爐呢/
Kenwood 個隻, 7" 模
回覆刪除[版主回覆04/30/2009 15:52:00]即是17-18CM模啦, 入爐後係咪跟爐頂好近?
如果係蛋糕發起後先跟爐頂好近, 通常都無問題, 170度焗40分鐘, 如果你想放低一層, 最少都焗25-30分鐘, 快手放低一層
另外, 如果好濕, 減d水, 100g都可以, 蛋白打得ok嗎?! 係咪過軟先? 都會令蛋糕濕噃! 有無相睇?
Many thanks for your prompt reply. 係呀, 我用17"模, 我睇左妳既video多次, 而且水份是80g, 蛋白打得企身呀! 嗚... 吾知點解呀
回覆刪除[版主回覆04/30/2009 16:23:00]KENWOOD 模係咪防黏架? 焗完後有無倒扣至完全放涼先脫模? 照計點濕極都唔會好"濕"噃! 或者你詳細d講下你點做..
係用Kenwood既爐, 用17cm既戚風模, 跟足妳既程序做, 反而以前用普通模焗就中間有d濕, 不過吾係焗榴槤味, 所以便買了戚風模試試, 整過其他味道, 當然沒有妳整得咁好, 只是中間有dd濕, 情況有些改善,但是整榴槤味兩次都出現問題, 我正在焗緊肉桂全麥味, 睇下會吾會好d啦 .
回覆刪除謝謝妳的回覆
[版主回覆04/30/2009 18:18:00]如再做榴槤味的話, 蛋白份量加至160g吧!因為我當時屋企唔夠蛋, 先用120g
我已經跟咗你個食譜做咗啦！好香呀……不過明天先至有得試
回覆刪除[版主回覆06/03/2009 08:45:00]比你引到我流口水勒!
你好呀! 我都係戚風新手之前失敗過好幾次 , 但因為見到你的教導非常專業,又燃燒起我對戚風既興趣
回覆刪除之前睇過曬你既片, 亦都試過茶味戚風, 同之前既一位朋友一樣有同樣既問題..."倒扣後就成個餅跌出黎, 而且仲好濕, 好似"梳乎里"", >< 好傷心! 而我既模係8", 唔係d咩防黏模, 跟左你之前post 20cm模材料份量做的 http://hk.myblog.yahoo.com/meowylyric/article?mid=2579 , 但你無講到溫度同要焗幾耐?
就到母親節,我都想整個榴槤戚風俾媽媽! ^^ 但我應該點改個份量比例呢? 我見你又最初水份份量既改變, 到我如果想用8"模做其他味道既改變, 我應該跟你邊個食譜去改好呢?
太多問題!請指教~萬分感激!!