你好滑!! 薑汁撞奶
姑仔和他丈夫從澳洲回來辦點事情, 跟他們吃過晚飯後, 姑仔說想吃薑汁撞奶!! 噢! 這是我拿手好戲啊!
久違了的甜品, 還好沒忘記你是怎樣誕生!
一起回到家裡, 姑仔嚷著要學如何作, 很可愛哩~~
她看著我拿起薑, 磨磨..磨.. 搾出薑汁, 煮奶, 撞入碗內… 她眼也不眨瞪著.. 我知她心裡一定是不停想著"好了?! 凝了沒有?!“ 哈哈..
當我將小匙放在上時, 匙並沒有掉入碗內, 反而出奇地浮在奶面上!
她驚奇地: 呀! 好厲害呀! 真是凝了啊?!!!
我裝作若無期事說: 是的..! 拿出客廳吃吧! 
他們回港只逗後一星期, 昨晚已回澳洲了! 有點不捨, 我還買了一個電子溫度計送給她, 那就可以時常作這甜品了!
材料:
薑汁 每碗要放入2tbsp (怕辣的話, 1.5tbsp也可以)
奶 750ml (可買三盒屋仔型的紙包奶), 份量可夠四飯碗
糖 4tsbp (多少可隨意)
1) 碗內放入薑汁, 奶加糖煲至60-80度, 在這溫度範圍奶和薑汁混合後最易凝固
2) 將奶倒入薑汁碗內, 待1-2分鐘, 放小匙在上面, 不掉進碗內, 就是成功!
Tips: 如沒有溫度計怎辦?
我以前也沒有用溫度計去量溫, 方法是: 可將奶加熱但不要滾起, 然後將煲拿高一點, 並將奶倒進另一大碗內, 又再從大碗內倒入煲內, 用意是降溫, 來回倒來倒去共十次, 就可撞入有薑汁的碗內!
Tips: 是否任何奶都可以?
那我真不敢確定, 但維記高鈣低脂奶一定得!
看看!! 真的比豆腐花還要滑啊~~~
.gif)
嘩.......我都想整呀!!!好似好難,但又好易........
回覆刪除[版主回覆03/08/2008 19:57:00]唔難唔難架.. 放心整, 注意奶溫就OK架勒!
多謝你既焦糖經驗先, 我下次會再試用你個方法
回覆刪除我都試過撞, 但又係唔成功
[版主回覆03/08/2008 19:57:00]不用客氣呀!
如要薑汁撞奶成功, 注意奶溫係最重要!
呢樣嘢真係好好玩, 好神奇! I'm loving it
回覆刪除[版主回覆03/09/2008 17:47:00]係呀, 好神奇的甜品!!
我會記底..........話唔定幾時搭左條筋 , 就會令佢誕生家啦........
回覆刪除[版主回覆03/09/2008 17:47:00]哈哈, 快D抽起條筋啦!!
看上去真是好滑呢!
回覆刪除[版主回覆03/09/2008 17:46:00]是的, 很滑, 比剝殼雞蛋更滑, 呵呵~~
2tbsp 是什麼呢？唔識呢﹗
回覆刪除[版主回覆03/09/2008 17:45:00]2 tablespoons, 即2 湯匙!
好利害丫! d 相仲影得好靚!
回覆刪除[版主回覆03/15/2008 21:57:00]嘻嘻.. 多謝呀!
我次次整都失敗, 好唔開心呀, 試過倒來倒去10次都唔得, 唉!
回覆刪除[版主回覆03/15/2008 21:57:00]你試下用維記高鈣低脂奶, 同用多小小薑汁, 努力呀!
好吸引啊！我都要試試呢！
回覆刪除[版主回覆03/15/2008 21:56:00]試完話我聽好唔好食!
真係厲害…我都想成功整到。
回覆刪除tbsp係指茶匙定湯匙呀？
回覆刪除[版主回覆05/19/2008 18:38:00]湯匙!
我都試整過一次，不過失敗咗...
回覆刪除[版主回覆05/19/2008 18:38:00]用咩奶? 溫度有否探過?
十字奶，我諗我係唔識控制溫度。等我試吓你嘅方法，成功咗話妳聽啦。
回覆刪除[版主回覆05/20/2008 10:09:00]請用維記高鈣低脂奶!!