2009年8月9日 星期日

肉桂焦糖合桃雪糕




敗了家後, 要有點貢獻喔!!  你們, 貢獻了沒有?!

新雪糕機第一炮

肉桂配焦糖, 加點合桃碎.... WOW! 棒!!

食譜參考小肥糖Candy

蛋黃 2隻

肉桂雲呢拿糖 20g

肉桂雲呢拿糖 40g

粟膠 12g (我用了麥芽糖)

淡忌廉 100g

牛奶 200g

合桃碎 適量 (合桃先烘香, 放涼後切碎)

1) 淡忌廉加熱, 備用

2) 蛋黃和糖20g打發至淡黃

3) 砂糖40g加粟膠(或麥芽糖)放入煲內煮至焦糖, 熄火

4) 將1)倒入後拌勻, 再加入牛奶, 開火再煮至焦糖溶化即可

5) 將4)逐少逐少加入2)中拌勻後, 然後坐熱水煮至82度 (作用應該是加熱令蛋漿消毒吧)

6) 待涼放入雪櫃雪凍

7) 取出已冰一天的雪糕膽, 裝好攪拌機, 開動, 倒入6)攪拌約20分鐘, 即成。放入密實盒內雪至硬身。



我的肉桂雲呢拿糖, 差不多耗盡了!




玻璃密實容器 1個

砂糖 適量

雲呢拿條 1條

肉桂枝 1條, 也可用肉桂粉 1大匙化替

** 肉桂枝做出, 糖還是保留原來雪白, 而肉桂粉做出來就如上圖模樣

1) 做法很簡單, 倒入砂糖, 放入雲呢拿條, 肉桂枝, 再倒入砂糖至滿, 蓋好, 待2-3個月後即可用

2) 如用肉桂粉, 請先和砂糖拌勻, 再放入雲呢拿條,蓋好, 待2-3個月後即可用

肉桂枝喔!




參考:

今天超級敗家! 又買雪糕機!

榴槤雪糕

芒果雪糕 (30分鐘特快製作法)

新玩具~超級霹靂無敵勁抵雪糕機

27 則留言:

  1. 有得食啦!yummy yummy

    回覆刪除
  2. 好快手喎, 我老人痴呆又唔記得雪內膽, 買o左榴槤無得整, 原本改整榴槤布甸, 屋企原來無晒奶, 最後只好整榴槤雪芳, 而家倒扣緊.

    回覆刪除
  3. 聽個名就知正啦!
    睇埋直頭流哂口水。
    不過其實點解要用粟膠呢?

    回覆刪除
  4. 兩部 ??????!!!!!!!! o野~~ 又引我~~~~~~~ 插電定電芯呀????
    [版主回覆08/09/2009 23:32:00]插電呀! 好用囉, 又細部, 又平又抵!! 買啦買啦, 唔係過左無買, 第日後悔架勒

    回覆刪除
  5. 我都整左喇,朱古力味......
    不過屋企用晒淡忌廉....所以試下用甜忌廉減糖....
    成功左喇,yeah
     

    回覆刪除
  6. wow!.....正啊!...哩幾日熱到爆哂燈, 真係食下雪糕先得!

    回覆刪除
  7. 我尋日終於忍唔住買左啦!
    我想問個內膽係冰箱超過一日有冇問題?我要今晚先有時間整。

    回覆刪除
  8. 蕭阿蓮之蕭家廚房2009年8月10日 上午10:10

    我唸我真係有問題, 我用同一部機, 但係唔似你打既雪糕, 我打左20分鐘簡直係水一樣, 唔知點降,我既程序:
    1) 先將蛋+糖打至微白
    2) 將奶煮滾撞入蛋漿, 再將蛋漿煮返煮至杰身 , 待涼, 放入雪櫃超過5個鐘嫁...
    3) 將忌廉打至 6.7成, 加入蛋漿
    4) 將混合物入雪糕機打20分鐘...
    我夠竟錯係邊個Step 呢?
     
     
    [版主回覆08/10/2009 10:23:00]你個雪糕膽 (內膽), 有無放入冰格呀?

    回覆刪除
  9. 蕭阿蓮之蕭家廚房2009年8月10日 上午11:10

    梗係有啦,星期五晚買左就放入去, 星期日6鐘先整, 點都夠時間瓜?
    [版主回覆08/10/2009 11:18:00]照計無理由咕喎, 攪唔起哩, " 通常都係唔夠凍 ", 就算材料水水地, 都可以攪到砂冰咁..
    係呢.. 你整咩味呀??

    回覆刪除
  10. 蕭阿蓮之蕭家廚房2009年8月10日 上午11:42

    我整雲呢拿味, 已經post 左上去啦..
    [版主回覆08/10/2009 11:56:00]咪ok囉, 又話唔得?

    回覆刪除
  11. 蕭阿蓮之蕭家廚房2009年8月10日 下午12:10

    唔係喎, 我d雪糕打左20分鐘, 仲係水咁樣, 不過我唔理咁多, 放入冰格雪囉..然后等佢實少少又攞出嚟搞搞佢, 咁樣唔係我預期喎....
    [版主回覆08/10/2009 12:13:00]係咪量錯份量呀

    回覆刪除
  12. 蕭阿蓮之蕭家廚房2009年8月10日 下午12:11

    今朝我試食個陣, 都仲係有少少沙冰咁既口感, 不過比較之前整既好少少...
    [版主回覆08/11/2009 08:51:00]會唔會好似下面"tissue"咁講: "但我剛剛發現,個胆雪嘅時候係唔可以有嘢包住,因為初時我怕污糟,所以用個袋包住先放冰格,結果個胆入面嘅液體依然能流動(即係未雪實),除開個袋雪完後搖下個胆,感覺就再冇嘢郁喇"

    回覆刪除
  13. 跟左你果千百萬個藉口...... 敗家左啦)))))))))
    [版主回覆08/10/2009 15:44:00]鬼叫我地都係同一種人~~~~ 女人呀!

    回覆刪除
  14. 上年做的2次雪糕都不合格, 非常硬, 我把它放了入櫃..............雪糕機今年都未有出產過呢! 好!!!一於跟你做一次...............
    [版主回覆08/11/2009 08:51:00]會唔會好似"tissue"咁講: "但我剛剛發現,個胆雪嘅時候係唔可以有嘢包住,因為初時我怕污糟,所以用個袋包住先放冰格,結果個胆入面嘅液體依然能流動(即係未雪實),除開個袋雪完後搖下個胆,感覺就再冇嘢郁喇"

    回覆刪除
  15. sorry按錯鍵,其實我想同肅亞蓮講,我早兩日都買咗7仔呢部機,諗住雪佢一晚第二日做榴槤雪糕,但同樣係攪極都係桸,結果變榴槤冰冰,但我剛剛發現,個胆雪嘅時候係唔可以有嘢包住,因為初時我怕污糟,所以用個袋包住先放冰格,結果個胆入面嘅液體依然能流動(即係未雪實),除開個袋雪完後搖下個胆,感覺就再冇嘢郁喇,但我依然未再做下一輪雪糕,希望係因為依個原因,下次再做便可以成功啦!!!

    回覆刪除
  16. i had the same problem ar.... "我d雪糕打左20分鐘, 仲係水咁樣, 不過我唔理咁多, 放入冰格雪囉..然后等佢實少少又攞出嚟搞搞佢, 咁樣唔係我預期喎...." i made passion fruit flavor~~ come and take a look la~~
    [版主回覆08/11/2009 08:50:00]會唔會好似下面"tissue"咁講: "但我剛剛發現,個胆雪嘅時候係唔可以有嘢包住,因為初時我怕污糟,所以用個袋包住先放冰格,結果個胆入面嘅液體依然能流動(即係未雪實),除開個袋雪完後搖下個胆,感覺就再冇嘢郁喇"
     

    回覆刪除
  17. 應該就唔係, 我估計係我冇落蛋黃呢!
    [版主回覆08/11/2009 09:26:00]我做了菠蘿雪糕, 無落蛋黃架, 但都攪得起喎!

    回覆刪除
  18. 唔..........我一定要掦起心肝整先得!

    回覆刪除
  19. 蕭阿蓮之蕭家廚房2009年8月11日 上午9:47

    但係我冇搵野包住佢喎...
    [版主回覆08/11/2009 13:05:00]咁入面d雪種液體雪實未呀, 有無搖下佢呀?

    回覆刪除
  20. 但係我冇搵野包住佢喎... and the recipe doesn't need egg yolks ga... 但都搞唔起
    [版主回覆08/11/2009 13:06:00]可能太多水份, 都會難攪起佢

    回覆刪除
  21. 我用左250mlcream, 250mlmilk, 250ml passion fruit puree,1 lemon juice, 200g sugar...會唔會多水得滯?

    回覆刪除
  22. 我尋晚用部新機整左朱古力雪糕,真係幾得wor,
    今晚做飯後甜品,唔知係咪雪耐左,
    要係室溫放一陣先可以(畢)黎食…
    唔…一d都冇之前成口雪花的口感,
    我終於成功啦!
    多謝晒你既好介紹喔!
    我家陣又諗緊下次整乜野味lu......好唔得閒呀
     

    回覆刪除
  23. 有個壞消息話俾大家知,我都係失敗咗,依然係水,有無人解救到我哋?

    回覆刪除
  24. 今日我去億世通同佢講部雪糕機整唔到雪糕,佢二話不說就同我換過個胆,唔知係唔係好多人都係個機胆出現問題而去換過,依家再雪緊另一個胆,希望能做出又滑又正嘅雪糕,億世通網 http://www.ectone.com.hk/

    回覆刪除
  25. 我得左啦! 昨天在家跟你的食譜整架, 好好味! 原來係本身跟機個食譜有問題! 跟你的食譜整就好好食! thank you 晒你!

    回覆刪除