紅豆餡
以前喜歡豆沙餡, 但近來喜歡有口感的粒粒紅豆餡, 也是我最喜歡的糯米糍餡料!
自製的, 沒有豬油, 甜度適中, 健康又好吃!
綿密軟滑, 甜蜜又充滿紅豆香!
成品約有600g
紅豆 200g
砂糖 100g (可視乎個人喜好而增減)
牛油 1小片 (約20-30g)
1) 紅豆用水浸過夜, 隔去水份備用
2) 煲內放入適量水份, 水滾後加入紅豆, 煲至成紅豆完全淋身, 隔去水份
3) 放入不黏鑊加入砂糖炒至成餡 (但不要太乾身, 因為放涼後會更乾和"鞋"口, 不夠滑身), 熄火, 加入牛油拌勻, 待涼後, 分成數份, 放入冰格保存
應用:
安歌! 焗西米布甸 (可用紅豆餡代替栗子餡)
真係好心機自己煮豆蓉 ....... 仲煮得咁綿滑
回覆刪除[版主回覆08/06/2009 21:18:00]自己煮, 點都健康D嘛!
好實用呢^U^
回覆刪除[版主回覆08/06/2009 21:18:00](Empty)
紅豆餡我都係自製架!做法和你的差不多,只係煮好後唔會隔水,原鍋倒入穫中,煮起加入糖煮溶後再加入生油抄至乾身就得勒!
回覆刪除[版主回覆08/06/2009 21:18:00]牛油香D嘛, 其實我都係好似你咁原鍋倒入穫中煮至杰身, 上面個食譜係比較快小小, 方便各位啫!
好吸引呀! 整糯米糍好正!!
回覆刪除謝謝妳,我會再試整糯米糍
回覆刪除我諗起熱辣辣o既豆沙包........!
回覆刪除你真係好心機!
[版主回覆08/06/2009 21:16:00]過奬勒!
有左佢。。又可以整好多野lu
回覆刪除[版主回覆08/06/2009 21:16:00]要比多D理由同藉口自己去整野食嘛!
好介紹呀，謝謝！
回覆刪除我想問下紅豆係咪要煲好耐架？
[版主回覆08/06/2009 21:15:00]浸左先煲, 一句鐘就可以
請問紅豆是要煲到爛晒定剛好淋身好?炒時是否用易潔鑊白鑊炒?我預備星期日整紅豆餡和糯米糍,希望今次成功啦!
回覆刪除[版主回覆08/07/2009 08:51:00]煲淋身就ok, 用易潔鑊加糖炒。
努力呀!!
既然有紅豆餡，可唔可以加入淡味Vanilla雪糕做成紅豆雪粒？不過要加多D紅豆粒喎！
回覆刪除咁要炒幾耐呀?
回覆刪除係喎...整綠豆得唔得?都一樣咁整?
回覆刪除你好呀,我都好鍾意食紅豆餡架,依家可以自製真係好喇~多謝你個食譜丫,想請問做好o既細豆餡可以存放幾耐??
回覆刪除