2008年6月14日 星期六

鳳梨卷 (II)




鳳梨餡 (約可做出8g x 12個餡):

罐頭鳳梨 1罐 (567g, 沒糖水那款)

砂糖 3湯匙 (這糖份量出來的味道有點酸酸甜甜, 想甜蜜一點, 可加至4湯匙)

麥芽糖 1湯匙 (如想焗出來的餡料不會乾乾的, 像樹皮, 這材料不可缺)

玉桂粉 少許

1) 罐頭鳳梨隔去水份, 用叉子壓成一絲絲, 輕輕搾去水份(此時約只餘下150g重量的鳳梨), 放入煲內

2) 將其餘所有材料加入1)中, 以中小火炒至乾身, 只須15分鐘左右

3) 放涼後, 約有成品90-100g, 然後分成每個8g的餡料

鳳梨卷皮 (約可卷24個餡, 如不想浪費皮料, 可卷兩層, 否則多做一份餡)

低筋面粉 80g

粟粉 30g

糖粉 15g

牛油 60g

蛋黃 10g

1) 牛油及糖粉打發至蓬鬆, 加入蛋黃混合, 篩入粉類, 拌至不見粉狀物即可

2) 放入雪櫃2小時, 取出

3) 將適量的2)放入模內, 擠出5-6cm的長度, 包入一個鳳梨餡

4) 如做兩層皮, 將2)擠至10-12cm長, 同樣包入一個鳳梨餡

5) 170度焗15-20分鐘

一層皮:







兩層皮:







餡料包入時, 皮一定要貼貼的包著餡料, 如皮跟餡之間不太貼, 焗時會出現"御皮"的情況, 造型便沒有那麼圓碌碌喔!

以往做單層皮, 還是比較可愛點!

鳯梨卷, 鳳梨卷


鳳梨卷舊作(1)

鳳梨卷舊作(2)

29 則留言:

  1. 我都覺得單皮得意D呀~~
    我可唔可以加你做blog 友呀??
    [版主回覆06/15/2008 14:22:00]單皮, 雙皮, 各有千秋!!哈哈...
    你同我做BLOG友, 歡迎之至啦!!!

    回覆刪除
  2. 單皮真係靚仔啲喎…
    [版主回覆06/15/2008 14:21:00]我都覺得係, 但雙層皮口感滿足D啊!

    回覆刪除
  3. 我買咗個唧筒成年都未開過工~
    謝謝你詳細指導~
    [版主回覆06/15/2008 14:21:00]咁難得擁有那個唧筒.. 快D好去開工勒!!

    回覆刪除
  4. 你呢款跟jenny bakery的鳳梨酥好似呀!
    我正想買罐嚟試下
    [版主回覆06/15/2008 14:20:00]但WAITING LIST好長, 有排都等唔到....自己整..快靚正, 又新鮮! 仲唔動手做?!

    回覆刪除
  5. 好得意喎
    [版主回覆06/15/2008 14:19:00]好可愛哩~~

    回覆刪除
  6. 好耐之前已經想買個唧筒, 可惜一路都買唔到呢~
    [版主回覆06/15/2008 14:19:00]可以用買唧花咀, 長扁型, 一邊有鋸齒的, 買大號小小, 咁就可以整出一樣的花紋! (如上圖右上角那個)
    然後, 才面團放入唧花袋(要布做/膠做可循環再用那些才不會爆袋), 用小小力唧出所須長度即可!

    回覆刪除
  7. 傻軒媽媽 的作法也值得推介啊...無唧筒都做到!鳯梨卷絕對係手作小點...我無你地咁叻叻我做了一次...要回回氣先得(仲珍貴過jennybakery )...你的短片好好睇好清楚...仲有啲似默劇...哈
    [版主回覆06/15/2008 14:18:00]她的方法都幾好喎, 但咪要買曲奇槍..
    比小小提議大家吧! 其實是不用買這特別擠模的, 只須買一個唧花咀, 長扁型, 一邊有鋸齒的, 買大號小小, 咁就可以整出一樣的花紋! (如下圖右上角那個)

    然後, 才面團放入唧花袋(要布做/膠做可循環再用那些才不會爆袋), 用小小力唧出所須長度即可!

    回覆刪除
  8. 嘩, 好得意, 攪到好想食.
    [版主回覆06/15/2008 14:05:00]咁就唔好客氣勒!

    回覆刪除
  9. Jenny Bakery d 餅雖貴, 但可以用 $ 買到 ,  但係自已整既 , 你有錢都未必有得試   (嘩 ! 好寸呀 )
    [版主回覆06/15/2008 17:58:00]其實佢都唔算貴勒, 一盒有17-18件都係七八十蚊, 但全部人手做喎.. 人工錢都要
    自己整... 唔洗排隊等, 又真材實料, 哈哈..!!

    回覆刪除
  10. 我都玩過~你整得好liang渦~~
    [版主回覆06/15/2008 20:48:00]好食的東西, 玩一次, 吃一次不夠啊! 再來一遍啦!

    回覆刪除
  11. 整過一次怕怕怕怕丫~
    [版主回覆06/15/2008 20:50:00]點解怕怕?? 自家整快靚正喎! 好過排隊等成幾個月先食到嘛!

    回覆刪除
  12. 之前我在朝日見到個0即筒時又冇買到...而家......
    [版主回覆06/16/2008 18:54:00]買一個唧花咀, 長扁型, 一邊有鋸齒的, 買大號小小, 咁就可以整出一樣的花紋!

    回覆刪除
  13. 嘩!妳很有心機整呀!我呢 D粗手粗腳的大姐,一定整唔到咁靚啦!不過睇完條片,又真係學到D野喎!謝謝妳的分享。
    [版主回覆06/19/2008 13:44:00]點會粗手粗腳呢.. 慢慢來做就可以, 自家製, 好吃又滿足, 快d開工好喎!!!

    回覆刪除
  14. 今晚終於早咗喇~
    我無你整得咁靚,又懶無自己炒菠蘿餡,一陣試吓味先~
    得閒嚟睇吓丫~ http://hk.myblog.yahoo.com/peggy_bb82/article?new=1&mid=4910
    [版主回覆06/19/2008 13:43:00]好可愛哩! 圓碌碌好得意囉!
    做乜唔炒餡咁懶惰呀, 自製餡好好味架, 下次試下啦!

    回覆刪除
  15. 你整埋片示範真係好呀!!!!!我終於見識到鳳梨卷點整了~~~
    [版主回覆06/19/2008 13:42:00]咁你幾時開工呀.......

    回覆刪除
  16. 謝謝你用心的示範呀 我之前係Jenny bakery買過這種鳳梨卷黎食,真係好好味~
    [版主回覆06/19/2008 13:42:00]反而我無食過jenny bakery的鳳梨酥, 只係食過她的曲奇!
    我都想有機會食下, 但佢個waiting list 好鬼長!

    回覆刪除
  17. 雙層皮............哈...好可愛.我都好耐無做啦!!!
    做餡真係好煩呀!!!
    [版主回覆06/19/2008 13:41:00]個餡用罐頭菠蘿嘛.. 會容易d切同炒, 比用新鮮的方便! 我都係炒了15-20分鐘就攪掂!

    回覆刪除
  18. 你個真人示範好掂呀
    [版主回覆06/19/2008 13:39:00]歡迎收看! 謝謝!

    回覆刪除
  19. 你好!我在找鳳梨卷的食譜,看到你這個很不錯,會跟你這個食譜試試,謝謝你的分享.

    回覆刪除
  20. 你既短片真係好清楚呀!我都好耐無做過喇!

    回覆刪除
  21. Hi  , 您好 , 我是很轉折的上到您的BLOG  , 第一次看到現場製作鳳梨卷的短片 ,非常欣賞, 我是一個超級糕餅迷, 不過只會食,不會做。 
    很冒昧的問問 : 我可不可以加你做blog 友呀?

    回覆刪除
  22. 嘩, 整得好靚呀! 扮Jenny Cookies拎出去賣都有人信

    回覆刪除
  23. 請問落粟粉同唔落有乜野分別架?
    因為唧筒背面個食譜無落粟粉架!
    [版主回覆12/30/2008 08:54:00]落個口感粉d, 睇個人喜歡!

    回覆刪除
  24. 好靚~~~~
    望見都流口水

    回覆刪除
  25. 我睇完 狗B亞姨~寶寶 ,佢叫我睇妳o既短片示範。果然好清楚呀!唔該晒! 神婆祖祖

    回覆刪除
  26. 多謝你嘅”真手”示範,真係好我終於知道點整鳳梨卷la.
    我本來想問d整個嘅又將會再整既高手可唔可以錄左個過程放上網俾我參考,點知誤打誤撞入左嚟你個Blog,真係Thank very very very much.
    另外我想問d饀係咪應該每粒都要量重量?
    我從來都整過,只係一直都好想好想整,我真係要買個唧筒開工先.
    [版主回覆02/25/2009 20:43:00]不用客氣。餡的資料, 可看上面食譜

    回覆刪除
  27. 你好, 好鍾意睇啲示範, 你真係好有心, 多謝你無私的分享.
     
    我跟你呢個鳳梨卷食譜做過兩次, 兩次的成品都好好味, 連我咀刁老公都讚好味!! 但係唧皮時好困難, 單手要好用力唧, 唧完廿幾個之後, 兩隻手指瘀咗. 最近整嗰次, 我係要用雙手壓出嚟, 唔同你示範咁,唧得咁順. 但我依足食譜份量, 皮料成團後幾乾, 所以唔敢雪咁耐, 只雪咗30分鐘, 放入唧筒時係散散乾乾的. 唧出嚟都係斷斷續續咁.
     
    請指教, 蛋黃分量可以加多啲嗎? 還是加奶/水?
    [版主回覆03/03/2009 18:57:00]唔同你示範咁,唧得咁順. 但我依足食譜份量, 皮料成團後幾乾, 所以唔敢雪咁耐, 只雪咗30分鐘, 放入唧筒時係散散乾乾的. 唧出嚟都係斷斷續續咁.
    答: <------- 面團好手搓軟小小, 咁就會好好唧架勒!

    回覆刪除
  28. 最初係第2個blog 見話鳳梨餡要炒2-3hrs, 立即驚到唔敢玩
    睇左你既示範我又敢玩啦, 好多謝你丫

    回覆刪除
  29. 我失敗左呀做個皮...想問,牛油使唔使溶晒先同糖粉溝埋,同埋加左蛋黃之後係咪攪勻得架啦?使唔使用機打勻?我放入雪櫃之後成塊好硬,係 咪正常架?咁咪好難擠出黎LOR~~請你教下我!THX THX!!!!!

    回覆刪除