2008年11月16日 星期日

薑汁撞奶~實驗研究篇




冬天, 喜歡吃一碗薑汁撞奶, 驅走寒氣, 暖胃暖身!

以往都做了很多趟, 很少失敗, 可能十次是九次成功, 一次失敗。所以從未想過要找出失敗的原因! 但......................................

早幾個月, 姑仔叫我教她, 待返澳洲時可以閒時自製來吃。我還送了一支電子溫度計給她, 心想這樣一定萬無一失後來! 可惜的是, 她後來告訴我, 做了很多次, 只有一次成功! 原因?!!!! ......

其實, 曾經都聽過很多人說, 有時成功, 有時失敗, 真是"撞下撞"撞出來! 但究竟成功的關鍵在那裡呢? 答案只是兩個重點:

"老薑汁及奶溫"

閒話多說了, 看過影片後, 那請一清三楚



實驗報告:

* 老薑
份量是一碗撞奶最好加1.5至2湯匙的薑汁

我用了影片中, 嫩薑磨出來的汁, 做了以下測試, 
- 薑汁一湯匙, 奶溫分別用65度, 70度, 75度, 80度, 都不成功

- 再加至薑汁二湯匙, 奶溫用75度, 亦不成功

即是說明, 薑, 最好用老身的! 老薑較易令奶凝固, 如用嫩薑, 薑汁真的要用多一些

至於如果才可挑選到老薑.... 噢! 我購買時都係估估下 , 有朋友知道如何挑選的話, 請告訴我

* 鮮奶
選購鮮奶, 我一定買"維記高鈣低脂奶", 至於其他奶, 各位可自行實驗一下

奶溫亦是撞奶成功的關鍵, 70度至80度, 就是最理想的成功溫度

* 時間
坦白說, 以前撞奶, 用同一牌子, 一至兩分鐘就可以凝固, 但現在好像是要長一點時間.... 很奇怪!!

究竟是奶跟以前不同了, 還是薑呢? 我不知道....

但可以確定的是, 最好等5-10分鐘, 那就最好了, 一來撞奶一定凝固, 二來凝固得來會硬些

* 撞奶手法
我絶對相信沒有特別手法, 有些食譜說要從高處撞入, 有些又說要將奶由一個煲倒入另一個煲加入空氣....................等等...

但我絕對相信是沒有特別手法的, 影片中, 我距離很近撞入, 奶亦是一煲好就用, 沒有倒來倒來, 所以, 重點不是在手法, 這是我以往多次製作的經驗

食譜:

老薑汁 6湯匙

維記高鈣低脂奶 2盒 (可做出三碗)

砂糖 3-4茶匙 (可隨時增減)

1) 薑去皮磨蓉, 壓出薑汁, 每碗放入2湯匙薑汁

2) 奶放入煲內加熱, 加入砂糖, 見煲邊出現有小許奶泡泡, 用溫度計一量, 70度至80度即離火

3) 用匙攪一攪1)碗內的薑汁, 將奶倒入, 不要攪動, 蓋上碟子保溫, 讓它靜止5-10分鐘, 放一匙在薑汁撞奶上, 匙沒有沉下, 即是成功

質感很好, 滑滑滑~~~~~









參考資料: http://www.shs.edu.tw/works/essay/2009/11/2009111423223372.pdf
參考資料 2 

薑汁撞奶 ~ 小小成功心得


你好滑!! 薑汁撞奶


Lyric loves


19 則留言:

  1. Hi,我琴晚都整左不成功,現在想番轉頭,應該你舊薑唔夠老呀!因為磨完之後冇沉殿物呀!多謝你的分享!
    [版主回覆11/17/2008 09:00:00]記住, 還要注意溫度呀!

    回覆刪除
  2. 撞奶原來咁多學問! 謝謝分享啊
    [版主回覆11/17/2008 09:00:00]客氣啦!

    回覆刪除
  3. 多謝分享
    [版主回覆11/17/2008 09:00:00]客氣!

    回覆刪除
  4. 好夠薑呀.
    [版主回覆11/17/2008 09:00:00]哈哈!

    回覆刪除
  5. 實在很佩服妳的實驗精神呀!! 是要有白色沉澱才行呢!
     
    我相信用全脂奶會易點成功, 因為我在澳門吃過水牛奶做的薑汁撞奶, 水牛奶, 原來是肥到有油花漂出來的......
     
    不過用低脂奶, 會較稀和滑呢.
     
    我都係玩過兩次咋, 不足為例呢!
    [版主回覆11/17/2008 08:59:00]嘻嘻, 有時都係貪得意哩!
    我反而用全脂奶就撞唔到, 奇怪哩!

    回覆刪除
  6. 我中意食薑汁撞奶,不過未整過...睇完你呢個示範有信心試整喇, 謝謝分享啊!
    [版主回覆11/17/2008 08:59:00]好啦, 咁你要試下勒, 努力!

    回覆刪除
  7. 多謝晒你咁詳盡既解釋,等我可以係黎緊既凍天都可以搵到竅門做出薑汁撞奶!
    [版主回覆11/17/2008 08:58:00]客氣勒! 冬天凍凍地, 整番碗黎暖胃, 好正架!

    回覆刪除
  8. 咁多字...  .... anyway .... 兩個字.....巧勁!!
    [版主回覆11/17/2008 08:58:00]其實睇片都可以明白八八九九

    回覆刪除
  9. 愛吃愛旅遊的陳小姐2008年11月17日 上午1:05

    呢個我又係成日整架, 超好味同埋勁鍾意食呢!
    有一樣野你講得好啱架, 就係唔知點解而家整撞奶要好耐先凝固, 以前都唔係咁既! 我之前曾經有一次見個撞奶幾分鐘都未凝固, 仲以為自己失敗左, 唔想浪費d奶, 就拎去加蛋白夾硬燉到佢凝固, 蠢到爆呀我! 到後尾先發現原來而家d奶/薑真係有問題, 唔同左以前, 係要成十分鐘先凝固到!
    [版主回覆11/17/2008 08:57:00]係呀係呀! D奶而家真係唔同左! 有時穩陣D, 都係等十分鐘先放隻匙上去, 廢事嘥左D野!

    回覆刪除
  10. 好勁呀!好詳細呀!我都係一路想整!但一路無....見到我又想整啦... 多謝分享
    [版主回覆11/17/2008 08:56:00]都係見整開, 所以順便又測試下! 你都試整下, 應該會成功哩!

    回覆刪除
  11. 是否無左三聚清安, 影響奶凝結程度  
    多謝探討 ,  原諒我多咀
    [版主回覆11/17/2008 23:04:00]講真, 我又唔覺得會係D化學野...因為以前細個返大陸順德D薑汁撞奶, 係真係用水牛奶架, 咪又撞得咁好...以前鄉下地方, 邊得來識得加化學野..
    我只係懷疑.............................................. 而家D牛牛.......... 唉! 都係唔好諗!

    回覆刪除
  12. 最緊要成份係要有沉殿物的老薑汁,你條片示範得好詳細!
    [版主回覆11/17/2008 23:05:00]客氣勒老闆, 得閒試下整兩碗同老闆娘食下啦!

    回覆刪除
  13. 雖然我聽不懂廣東話,不過你的影片示範得好清楚啊,看一次就明白了,謝謝。
    [版主回覆11/17/2008 23:05:00]多謝!

    回覆刪除
  14. 我上一次睇左多多撞到好成功,第二日就去學,我冇溫度計就去做結果唔成功!今次睇完你咁長細影片一於再學過!只許成功不許﹍﹍
    [版主回覆11/17/2008 23:06:00]努力! 有問題的話大家提出來又研究下喎!

    回覆刪除
  15. 我試過同一時間整6碗但最尾兩碗唔得囉
    [版主回覆11/18/2008 18:57:00]可能奶溫降低了, 下次最尾兩碗等耐D先食(如15分鐘), 其實奶溫低, 但最後還是凝固, 如奶溫好低, 如60度, 要成20-30分鐘才會凝。
    但等咁耐咪凍左囉?! 好簡單, 叮一叮佢, 就OK!

    回覆刪除
  16. 妳好有心機呀,我都有做過 薑汁撞奶 ,不過我將熱牛奶好似拉茶從高處直接倒入大湯碗,再倒回煲中,來來回回7次,但無測試過溫度,謝謝妳的分享!
    [版主回覆11/20/2008 10:59:00]你呢個方法都幾好哩! 無溫度計可以參考下喎!

    回覆刪除
  17. 好開心搵到你呢個 blog 呀, D 食譜好正, 多謝分享~
    老薑呢, 媽媽話街市果D白白淨, 淡黃色無泥果D係唔靚嘅薑; 要揀果D有乾泥黏住嘅先係靚o野...多數喺D賣有機蔬菜嘅地方就有啦...
    [版主回覆11/20/2008 10:58:00]等我下次試下咁揀先!

    回覆刪除
  18. 係呀我都覺維記最好撞 撞完之後好容易成固體
    我之前試過牛奶公司 麻麻地

    回覆刪除
  19. 謝謝詳細分享啊! 等我下次試下先! 我以前試過好多次都失敗o左, 希望這次我能夠成功!

    回覆刪除