2009年4月12日 星期日

班蘭戚風蛋糕

班蘭戚風蛋糕

image

柔軟口感的戚風, 配上班蘭葉的獨有香氣, 跟大爺來一個悠閒的下午茶, 教人感到幸福!

image

口感Q潤, 拿起來就像棉花似的, 入口柔滑, 深愛戚風喔!

今趟也是手打蛋白霜, 看見那些豐盈的泡沬, 滿心滿足哩!image

蛋黃 40g

砂糖 40g

沙拉油 35g

班蘭汁 100g (班蘭葉與水同煲至滾加蓋後熄火至冷卻, 放入攪拌機內打碎, 隔渣取汁)

冧酒 1大匙

低筋面粉 80g 

蛋白 160g

砂糖 30g

1) 蛋黃加砂糖40g充份混合, 加入沙拉油, 班蘭汁和酒拌勻加入, 篩入粉類混合

2) 蛋白和砂糖30g打發至濕性發泡, 和1)混合, 倒入17cm模內180度焗40分鐘, 倒扣至涼或過一晚脫模

17 則留言:

  1. 噢, 你呢排好"戚風"噃... 好軟綿綿, 我都好鐘意食戚風蛋糕...
    你個d好靚呀~~
    [版主回覆04/13/2009 09:45:00]愛上戚風, 不能自拔!

    回覆刪除
  2. 又係好正呀!

    回覆刪除
  3. 班蘭戚風真係好好味~~
    [版主回覆04/13/2009 09:44:00]我都覺得好好味

    回覆刪除
  4. 我上次去新加坡都買左支班蘭油未用 ~
    開頭仲唸緊點整班蘭汁 ~ 原來可以用機打 ~ 都好D
    [版主回覆04/13/2009 09:44:00]我諗加D班蘭油會仲香D!

    回覆刪除
  5. 第一張相好靚呀~~~~

    回覆刪除
  6. 戚風比起其他蛋糕較健康,所以我都好鐘意食架

    回覆刪除
  7. 係咪冇加色素呢?所以吾覺有綠色...
    [版主回覆04/14/2009 21:50:00]可能係我煮班蘭汁煮得太耐呀!

    回覆刪除
  8. 我都整了榛子戚風啊~好香~
    不過我次次焗戚風, 個面都好快燶, 已經放了入爐溫度計以便控制爐溫, 但唔係好成功, 通常比食譜要求高出 5-10度, 再調低爐溫蛋糕又會唔熟!好鬼激氣
    請問有冇方便令戚風唔好咁易燶呢?
    [版主回覆04/14/2009 21:50:00]其實快燶, 都係同爐溫有關, 但好多時亦都忽略了一點, 就係戚風模的大小跟爐的大小比例勒!
    如果, 你有入爐溫度計, 170-180度都係OK溫度, 但當蛋糕膨脹上升後, 個面好快就燶(因為模個面太近個爐頂, 即係模大爐細)咁就有可能係你會戚風太大個勒, 即係話, 以你個爐個SIZE, 應該用比現有細多一號的戚風模!

    回覆刪除
  9. 我都好愛班蘭葉陣味!

    回覆刪除
  10. 你近來好'戚風'熱啊 .................
    [版主回覆04/14/2009 21:45:00]前排都吹過一輪架勒, 而家打風季節又到嘛, 所以咪又吹戚風囉!

    回覆刪除
  11. 坦白講,我唔識焗戚風蛋糕,不過好想學。但好多時見人整左,話好好食,好鬆軟。不過其實望落去好乾。但妳哩個,我覺得望落去好細密,好夠濕度,真係好鬆咁樣。希望我有一日都可以好似妳咁真正成功! 神婆祖祖
    [版主回覆04/14/2009 21:43:00]過奬勒! 我太愛戚風哩!!
    其實有時望相, 都好難分別, 因為D相機時靚時唔靚, 仲難捉摸過D女人....

    回覆刪除
  12. 原來班蘭汁係咁整架...下次又可以試新味吾使用香精, 你整戚風整上引呀

    回覆刪除
  13. 我都未食過班蘭味呀~ 好好味架?! 首先要搵間泰國食品店... 大約要用幾多班蘭葉煲呀?

    回覆刪除
  14. 我都好鍾意班蘭葉果種味道^~^

    回覆刪除
  15. 班蘭葉的香氣令人難以抗拒 ~~~~

    回覆刪除
  16. 我好耐冇整戚風了, 手痕, 希望快d到星期六啦.

    回覆刪除