想和你吹吹"戚風"聚會 (附抺茶戚風蛋糕食譜)
近來, 很多朋友問到有關戚風的問題, 亦很喜歡超Q潤戚風!
那就來個“想和你吹吹戚風聚會”吧!
讓大家分享自家製的戚風, 談談烘焙中的"驚"和"喜"!
日期: 4月18日 (星期六)
時間: 下午3:00
地點: 旺角某CAFE (參加者請幫忙提供意見)
人數: 4-6人
備註: 請帶備一個自製戚風或烘焙小點亦可
有興趣的朋友, 請留"私人回應"
用了宇治抺茶粉做出來的戚風, 顏色很翠綠! 但可惜我的照相技術並不能將它好好表現出來呢! 
晚上的拍照, 顏色總是怪怪, 蛋糕的質感看上去, 也是怪怪!
不過, 最緊要好吃! 超Q潤哩! 
抺茶戚風蛋糕:
蛋黃 40g
砂糖 40g
沙拉油 35g
水 100g
杏仁酒 一大匙
低筋面粉 70g
抺茶粉 10g
鹽 1/8茶匙
蛋白 160g
砂糖 40g
1) 蛋黃加砂糖40g拌至溶合, 分別加入沙拉油, 水, 酒混合, 再加入過篩的面粉,鹽拌勻
2) 蛋白加砂糖40g打至濕性發泡, 與1)混合後, 170度焗40分鐘, 倒扣一晚或完全涼透後脫模
呢日約左人喇><
回覆刪除4-6人, 我諗好快爆滿都似!
回覆刪除哎吔...星期六日係湊仔的日子...期待你的分享哦!!
回覆刪除SORRY 我想問下你地d節目係咪"圍內"人先可以參加嫁
回覆刪除新手 可以嘛?
[版主回覆04/07/2009 18:06:00]咩叫 "圍內"人? 傻瓜, 你有興趣就可以哩!
綠茶，流晒口水啦，要搵隻杯黎載住d口水呀~
回覆刪除唔係去你屋企示範班咩?
回覆刪除[版主回覆04/07/2009 18:06:00]屋企有老爺奶奶呀... 唔係咁方便
但如果有人肯出"屋", 我又唔"區"呀!
我試過跟咗另外兩本食譜做戚風,出模後發覺底部有凹位,但係跟Ｑ潤果本就無發生過,你有無跟其它食譜做過呀?會唔會一樣呀?咁你知唔知咩原因呀?
回覆刪除[版主回覆04/07/2009 18:09:00]有做過其他食譜! 都ok, 但無咁Q潤噃!
凹位呢... 除了溫度問題, 我本人覺得最大厡因係蛋黃面糊的稀杰度呢!
喂! 你... 來唔來啫..你都整得好好呀! 大家來分享下(如果有時間的話)
某CAFE ..............我鍾意去你屋企多Ｄ喎,表演埋最好!
回覆刪除[版主回覆04/07/2009 18:03:00]我屋企唔得呀, 老爺奶奶都係度, 唔係咁好....唉....
不如你屋企 ^^
我屋企有兩隻猴子,生人勿近嫁
回覆刪除[版主回覆04/07/2009 21:20:00]噢!
但我有梳蕉喎, 啱唔啱洗
凹位呢... 除了溫度問題, 我本人覺得最大厡因係蛋黃面糊的稀杰度呢!
回覆刪除啫係話本身個食譜蛋糊有問題 ,係咪呀?
[版主回覆04/07/2009 21:18:00]都唔可以咁講, 因為好多時係多方面配合, 可能食譜蛋糊杰D.. 爐溫要稍高, 就會容易凹, 但咁唔代表食譜有問題, 只係技巧可能要高D..
仲有冇位?
回覆刪除[版主回覆04/07/2009 21:16:00]請留私人回應, 謝謝!
好吸引，睇完我回家都忍唔主整左一個，多謝妳分享食譜比大家。
回覆刪除好想參加呀 ~~ 可惜星期六要湊仔吖
回覆刪除[版主回覆04/08/2009 21:38:00]好可惜哩! 下次有機會的話, 一起出來分享下!
你o既蛋糕同曲奇好吸引ar....add了你做blog友....希望有時間可以上黎偷下師~~^^
回覆刪除最近好多人都整抹茶戚風呀...!!!!! 你整果個好軟好好味咁款呢, 勁想食...! 係呀, 我咁遲, 你個聚會full 左未呀...???
回覆刪除4-6 位.. 好快滿位啦. 我相信會有好多blogger 想同你相聚.
回覆刪除OK...油尖旺....邊度都得.......
回覆刪除好想參加，不過我住太遠啦！
回覆刪除