2014年12月15日 星期一

止咳小方法

天氣寒冷, 要好好保重身體!
我見呢排好多人都病, 尤其咳到唔停, 西醫, 中醫, 燉橙, 燉乜燉物, 都試過, 但都係一瞓就咳到坐起身瞓唔到, 我以下有個小方法, 係我做藥煲多年發現的小小秘技, 當大家病到無哂方向時, 不妨一試:


材料:
暖包及暖包套一個 (各大藥房, 化粧品店, 都有售)

用法:

將暖包放入暖包套, 瞓覺時放在枕頭上, 位置是正正大椎穴, 然後瞓上去, 我試過咁樣一覺瞓天光 (當時我病到仲食緊氣管特效藥但止唔咳個隻)

呢個方法, 近兩年我先學識, 陪我過左兩個冬天, 當我有小小咳, 或者天氣好凍, 我都會出動呢個暖包方法, 真係好有用!! (有時我返工都會放個暖包係頸巾入面, 暖住個大椎穴)