2009年6月10日 星期三

印尼千層蛋糕




做這個千層蛋糕, 你! 必須要具有:
1.    耐心! 烘焙時間約2.5至3小時

2.    耐熱! 幾小時在火熱的焗爐旁守候

3.    健康! 高油, 高糖, 高脂, 高膽固醇, 抵得住嘛?!


勇士們, 你們會挑戰嗎?




牛油蛋糕模一個 約20cm(L) x 10cm(W)


蛋黃 10隻 (約130-150g)

砂糖  75g

金罐牛油 225g (太膩了, 下趟會用回普通牛油代替, 但就要加點鹽與面粉同篩)

低筋面粉 60g

冧酒/拔蘭地 1tbsp

肉桂粉, 丁香粉 各1/2tbsp


蛋白 100g

砂糖 50g


1) 牛油放軟打至滑身即可, 備用

2) 砂糖75g分次加入蛋黃, 打至濃稠厚身, 約10分鐘, 然後分次與1)拌勻

3) 低筋面粉, 肉桂粉, 丁香粉過篩後, 加入2)中混合

4) 蛋白加砂糖50g打至企身 (硬性發泡), 分次與3)用刮刀混合, 即成面糊

5) 模底放入牛油紙 (只須放底部, 四邊不要掃油或放牛油紙)

6) 取約3湯匙面糊, 用匙掃平, 其餘面糊放回雪櫃備用

7) 180-200度焗5分鐘至蛋糕面金啡色, 從焗爐取出蛋糕, 用匙按壓糕面, 如有氣泡要用牙籤刺穿

8) 再從雪櫃取出面糊, 重覆6)-7), 但用180-200度並只用"上火"焗, 直至面糊用完, 完成後, 在蛋糕面塗一層牛油(作用是雪後面不會裂)

9) 待涼後(有食譜說要趁熱脫模倒扣, 我覺得沒有大作用), 用小刀輕界四邊脫模, 切去蛋糕四邊硬身部份, 即成

10) 蛋糕用牛油紙包好, 放入雪櫃保存, 食用時取出, 切薄薄一片, 放在碟上, 用微波爐叮10秒至暖, 喜歡的也可切厚厚一件吃


** 我用上下火焗, 結果蛋糕底部焦了, 四邊也硬了點, 所以請緊記只用上火焗好了!


原食譜: 在此


製作時的影片




也可參考:




28 則留言:

  1. 嘩卡卡! 妳又嚟引我! 呢個我都鍾意食架!!
    [版主回覆06/11/2009 19:44:00]呢個整之前, 真係要三思!

    回覆刪除
  2. 可不可以公開食譜.你的斑蘭椰汁糕.已經好好味.你好叻
    [版主回覆06/11/2009 19:44:00]當然會公開食譜啦, 有片呀!

    回覆刪除
  3. 嘩,真係有超多層喎,....續層整....勁吖!

    回覆刪除
  4. 小時候媽媽成日都買俾我食㗎,好好味 佢話嗰陣已經賣得幾貴下。你好厲害呀。
    [版主回覆06/11/2009 19:43:00]都整得幾辛苦!

    回覆刪除
  5. 買嫁 ,如果唔係整個食譜嚟啦!因為我成日買嚟食,想自己整呀
    [版主回覆06/11/2009 19:43:00]有食譜勒, 仲有片!

    回覆刪除
  6. 勁呀~睇個樣都已經好想食 但又要遂層焗ga?咁多層未要攪好耐?
    [版主回覆06/11/2009 19:42:00]好耐呀! 兩個半鐘呀!

    回覆刪除
  7. 呢個都應該好大工程喎!
    [版主回覆06/11/2009 19:42:00]係! 太大工程!

    回覆刪除
  8. 懷疑 你最近請佐位好叻的印印!
    D印尼小食好吸引 !掂!
    [版主回覆06/11/2009 19:42:00]我都想有個工人幫輕下我....可惜...無呢

    回覆刪除
  9. 嘩........好多層喎,工夫食物,妳係得。

    回覆刪除
  10. 我家個男人最鍾意食的 ..... 想整左好耐嫁喇
    妳真係太太太好了
    [版主回覆06/11/2009 19:41:00]但整呢個都要好大勇氣架!!

    回覆刪除
  11. 我媽媽個隻印尼千層糕, 就唔會落蛋白同肉桂..依隻口味就未試過.. 不過我比較鍾意我媽媽的傳統式既...
    [版主回覆06/11/2009 19:41:00]噢!! 那用全蛋黃嗎?

    回覆刪除
  12. 你所提到的3個要求,我只可以做到頭兩樣咋!至於第三項就....
    [版主回覆06/11/2009 19:40:00]真係缺少一樣都唔好做, 危險, 危險!

    回覆刪除
  13. 你又勇敢又好心機!勁!
    [版主回覆06/11/2009 19:39:00]呢個勇氣都唔係成日有!

    回覆刪除
  14. 一見到我便流口水呢!

    回覆刪除
  15. 雖然佢好肥, 但我耐唔耐會口痕想食........

    回覆刪除
  16. 我只想做食的那個....好吸引呀~~

    回覆刪除
  17. 好有心機呀! 整得同買的一樣

    回覆刪除
  18. 係呀 一底cake用30隻雞蛋黃, 所以好好好肥呀!! 哈哈

    回覆刪除
  19. 225g 牛油 + 10隻蛋黃, 真係好嚇人!

    回覆刪除
  20. 我唔敢整呢個蛋糕,不過整得成功又好有滿足感.

    回覆刪除
  21. 哩個我睇我望完個材料後,真係怕怕!一來我諗我無耐性焗咁耐,二來用咁牛油。。。。。都係黎你哩度睇下算啦!

    回覆刪除
  22. 愛吃愛旅遊的陳小姐2009年6月15日 上午3:16

    想整好耐, 不過鼓唔起勇氣, 哈哈!!! 因為真係十級咁煩, d材料仲... 哈哈哈哈!! 好欣賞你既耐性同膽量.... 無野好講, 太變態喇你...!!! 十個叻唔夠, 比夠廿個你...!

    回覆刪除
  23. 這款真的不夠擔整....哈....

    回覆刪除
  24. 好得喎... 但膽固醇超勁.... 咁多蛋 ... 我唔想多個朋友 ... 睇下都開心...

    回覆刪除
  25. Hi,
    我訪尋咗好多印尼千層蛋糕食譜,覺得樣貌不似星加坡買回來的千層蛋糕。好彩,無意中看到你的blog,見到你做的好得喎!  我一於要試吓先得。成功與否都話你知。
    [版主回覆06/30/2009 08:53:00]好呀! 不過都幾肥架!

    回覆刪除
  26. 好耐好耐之前想做,但一直都唔敢試。

    回覆刪除
  27. 終於噚日整咗啦!都算成功喇!
    你講得一D都無錯,真係好油啊。我下次試吓減少DD牛油睇吓得唔得先。

    回覆刪除
  28. 噚日終於整咗啦,都算幾成功。等我有時間update個blog時,請你去坐吓。
    你講得一D都無錯,真係勁多油,等我下次試吓減少DD油先,睇吓得唔得。

    回覆刪除