黑芝麻千層糕
黑炭美食! 很大熱呀! 但我不敢試 
但這個就不同哩, 雖然也是黑漆漆, 烏卒卒的, 一大磚黑炭似的, 其實是黑芝麻糕哩!
傳統的黑芝麻糕, 是用馬蹄粉和粘米粉做, 但自從上次的雙色班蘭椰汁千層糕後, 我便愛上木薯粉煙靭的口感!
所以, 來個換湯不換藥, 班蘭汁改用黑芝麻汁, 很香芝麻味道哩, 愛死喔!
份量: 牛油蛋糕模一個 約20cm(L) x 10cm(W)
木薯粉 300g
粘米粉 40g
水 300g
熱水 300g
黑芝麻 50g (我其實用了80g, 但覺得太多了)
砂糖 150g (做芝麻糕要甜一點, 否則不好吃)
冰糖 100g
1) 黑芝麻炒香, 與熱水300g一同放入攪拌機內打成黑芝麻漿, 然後過篩或用煲湯魚袋隔渣取汁, 成黑芝麻汁
2) 水, 砂糖, 冰糖(敲碎), 煮至糖溶, 與黑芝麻汁及2-3湯匙的黑芝麻渣(可以不加, 但我覺得會香些)混合, 待涼
3) 木薯粉, 粘米粉, 和2)混合成粉漿
4) 先倒一層粉漿入模內, 隔水蒸4分鐘 (蒸的時間可視乎倒入的粉漿厚薄, 我做了11層, 約100g一層, 蒸了4分鐘)
5) 重覆4)的做法直至粉漿用完, 待涼後脫模, 切件, 用保鮮紙包好, 不可放入雪櫃, 否則會變硬
芝麻味未放入口已經嗅到很香濃!
好像太黑了, 令人有點不安的感覺 
正呀，老闆娘 好Like呢味糕！尤其傳統中式，佢唔要大菜糕！
回覆刪除[版主回覆06/13/2009 08:56:00]不過呢個唔係好傳統馬蹄粉加粘米粉整噃, 老闆娘唔知啱唔啱吃噃!
正！我先生好鍾意食芝麻糕的，等你的食譜！
回覆刪除[版主回覆06/13/2009 08:55:00]試下好食話過我聽噃!
又係層層蒸架，你真係好鬼有心機呀!!!
回覆刪除[版主回覆06/13/2009 08:55:00](Empty)
靚女，妳又整多樣，我真係跟唔切喎！典算？
回覆刪除好彩係to do list刪除了椰汁班蘭千層糕及焗西米布甸！
[版主回覆06/13/2009 08:54:00]唔繄要, 放to do list囉, 慢慢先整, 我個list都好鬼長
依個好鍾意~~~ 可以有食譜?
回覆刪除[版主回覆06/13/2009 08:54:00]當然可以!
好靚!好靚!好靚呀)))))))))))))))))))))))))))))
回覆刪除[版主回覆06/13/2009 08:54:00]太過奬了!
妳整得好靚呀，層層都咁靚。我見好多人第一或尾果層冇咁平。
回覆刪除[版主回覆06/13/2009 08:50:00]過奬了!
我...最最最鍾意食既糕點之一呀... :)
回覆刪除正呀...
等您的分享呢..
[版主回覆06/13/2009 08:51:00]你幾時會試下呢? 好味架!
好美味, 期待你POST食譜！
回覆刪除妳好有心機呀~
回覆刪除[版主回覆06/13/2009 08:50:00]過奬勒!
我好鐘意食黑芝麻架，好好好好好好好味！！！ （忍唔住大叫三聲「好正」）
回覆刪除[版主回覆06/13/2009 08:50:00]咁你都試下整吖, 唔錯噃!
我今晚會整紅豆椰汁糕,我都想整黑芝麻味.
回覆刪除[版主回覆06/13/2009 08:49:00]我都好鐘意紅豆糕? 想整馬豆糕呀, 有無好食譜呢?
好勁呀.....我連班蘭都未整得好呢~~
回覆刪除[版主回覆06/13/2009 08:49:00]咁快d開工好喎!
舊黑磚好靚, 我好鍾意, 好有形呀!! 橫掂都係黑, 乜解究你要做層層呢???
回覆刪除[版主回覆06/13/2009 08:48:00]一次倒入粉漿, 會好難蒸透同蒸熟, 一層層搣來食, 都幾好呀!
Hello, 你好，借你的食譜一用，謝謝！
回覆刪除呢個真係要跟呀~~~
回覆刪除嘩～～～你整得好鬼靚呀 ，有時間真係要跟你學吓野，因為老公鍾意飯後甜品，加上佢頭髮唔係太濃密，整ｄ好野佢嘆！
回覆刪除好勁啊你~要好有心機整先層層差不多厚薄
回覆刪除嘩! 呢個必整呀~~
回覆刪除我只係試過整傳統中式咋！不過可以放入雪柜，雪凍咗都幾好味...^0^
回覆刪除我很喜歡這個甜點,,,thanks for sharing~
回覆刪除WAWA...呢件太正啦, 我都好想食芝麻糕呀~~~~
回覆刪除多謝你既食譜呀,哈哈,好好味,忍唔住今日已經整咗呢 ..
回覆刪除今次可以唔駛用攪伴機...啱晒我~ (家樓下有新鮮即磨黑芝麻... 好方便)
呢舊野個樣好攪笑呀, 哈哈!! 不過我都係好想食, 呢刻好想食冰凍既野tim!
回覆刪除wah~~~好味ar, 我細個女時成日食咖
回覆刪除唔放得入雪櫃..
回覆刪除咁食唔晒咁點搞?
芝麻糕我都好鍾意食,想問你點解黑芝麻要加熱水一起攪拌,為何不用凍水,點解加砂糖又要加冰糖,是否兩種糖混合,會好味d
回覆刪除好鍾意芝麻類食物, 多謝你提供之芝麻糕食譜..
回覆刪除你好呀~ 第一次到來就見到至愛的黑芝麻糕呢!! 我覺得佢好"言"仔喎~ 搵機會試下整先 ^^
回覆刪除我都整過這個千層芝麻糕呢,,,但好想試妳的食譜看看同我的有咩唔同呢！！
回覆刪除[版主回覆06/22/2009 19:08:00]呢個好煙UN 架!
請問, 如果我家中只有黑芝麻粉, 那麼可能代替嗎? 份量如何改變? THANKS!
回覆刪除[版主回覆06/23/2009 19:12:00]可以代替, 不過份量就要自己試勒!
hello lyric
回覆刪除又係我呀！我今次真係無鬼用偷師失敗...了喇！
木薯粉 係邊樹買架 ??
回覆刪除[版主回覆07/14/2009 21:22:00]賣泰國食品材料地方, 如街市
Halo Lyric, 這款芝麻糕質感看來是煙靭喔! 之前試過用粘米粉或用米磨米槳做 但質感都是一般,這款我一定要試做呀!
回覆刪除Hi,等我都照你個方法做下
回覆刪除如果我想一層黑之痳一層椰汁咁又點整丫？
回覆刪除