A貨樂家杏仁糖~前奏篇Butter Crunch Toffee
![image](https://64.media.tumblr.com/b630e7594d4d29c881851e5e9e3bdf41/tumblr_msjezvYlse1shw07io1_400.jpg)
趁今天有點空閒時間, 做了一個內餡~Butter Crunch Toffee, 至於外層…. 是朱古力呢, 但因為家中的朱古力給我耗盡了! 所以要待星期一下班, 才可去烘焙店補給, 然後再為它做上外層喔!
這個Butter Crunch Toffee食譜, 我之前都做過, 味道和口感做出來都跟樂家的有九十個巴仙以上的相似, 好鬆脆, 一點都黏牙! 我十分十分的滿意哩!!
其實相類似的食譜有很多, 只要search “Butter Crunch Toffee”, 會出現很多外國網站的食譜。
牛油 75g
糖 125g
粟膠/水苔麥芽 1湯匙 (用麥芽糖也可)
水 1湯匙
雲呢拿香油 1茶匙 (我沒有加)
1) 所有材料放入煲內, 用中火煮溶
2) 一路用中火煮約10分鐘, 其間會滾起泡泡, 不用擔心, 只要不滾瀉就可以, 約接近7或8分鐘時, 糖漿會由半透明白色轉至淡黃色, 其間輕輕攪拌幾下, 用溫度計量一下, 糖溫到150度即熄火, 此時糖漿顏色會是淺啡色
3) 將糖漿倒入模內, 這份量可做出 21cm (L) x 5cm (W) x 1.5cm (H) 的長條型糖果, 模可用硬咭紙裁出並放入牛油紙防黏, 或者直接倒在牛油紙上用木棍檊成所需大小, 但因糖溫頗高, 要小心!! (有人反應牛油紙會黏紙….. 既然是這樣, 用不黏布最穩陣(雖然我用牛油紙沒有黏)
4) 待稍降溫後, 立即切件 (用手指按一按, 面有點硬和挺身, 但用力都可以按入, 才可切件, 太軟時切會變形), 如待完全涼後, 就切開不了及會四分五裂! (我較喜歡用自製的硬咭紙模, 方便切件, 切一刀就是一條的內餡, 如自己用木棍檊出不規則的大小, 可能要切幾刀才可做出一條, 容易令糖變型)
大家也可參考以下網址, 是另一個食譜和做法, 很詳細, 但成品出來的顏色好像深了些:
no.1 , 我最快, 哈哈!
回覆刪除好想快D見到個製成品呀, 我好鍾意食樂家杏仁糖架...
[版主回覆12/27/2008 20:28:00]咁就要試勒!
呢個我想整左一段時間
回覆刪除希望新年用嚟送比家人
好多嘢想整 點算
[版主回覆12/27/2008 20:28:00]呢個真係要試,我諗住用來做農曆新年禮物送比人架!
謝謝分享 , 我好鍾意食樂家杏仁糖同金莎架, 妳有無搵過金莎食譜呀??
回覆刪除[版主回覆12/27/2008 20:27:00]你唔好貢客氣啦!
金莎呢..... 其實都有相似的食譜, 可惜...那層"威化", 相信自家製係無乜可能做到囉.. 我諗真係要有部機, 有個模去焗個層威化哩!
另外, 我都搵過威化餅食譜, 但都搵唔到呀!
唉呀...咁我唯有買正牌金莎
回覆刪除我忍唔住即刻柄埋在廚房
回覆刪除哈哈 ......... 成功啦
多謝分享
因為我真係 超級超級 鍾意食樂家杏仁糖
好似呀,勁開心
[版主回覆12/27/2008 22:15:00]哈哈!!!! 你同我一樣, 一有野想整就身痕, 唔整過唔罷休哩! 你咁叻叻成功呀?! 好啦, 比十個 x 你!
係咪好似樂家個內餡哩! 我無誇大架!
咁上左朱古力面未?? 我剛用哂d朱古力呀, 要等星期一放工順路先去買...你攪到我都好心急哩!
Hello~ 我路過的...Nice to meet you ~
回覆刪除開始凍啦!!記得著多件衣服呀!!
有時間請來我的手作屋睇下呀..
內有我的作品,回應下俾 d 意見我吧~ ^_^
http://hk.myblog.yahoo.com/ka_man_110/
我聽日先上朱古力呀
回覆刪除今日好累喇
我都好喜歡食樂家杏仁糖,下過我冇妳咁叻,識整~
回覆刪除樂家杏仁糖都識整,勁呀
回覆刪除你金莎都想自己整!!?? 試吓~~~ 唔整圓型,會唔會比較容易呢?
回覆刪除你好強呀~~~ 新年係唔駛出去買糖果啦, DIY 都得!
樂家杏仁糖???!!!
回覆刪除等我又試下先! 多謝你分享食譜呀
[版主回覆12/31/2008 14:50:00]好呀, 試下啦, 好好味架!
啱啱整個以上份量,點解 D 糖 (已煮到變金啡,唔係太淨深)同D 牛油撈唔埋呀! 我倒出放入個小形方盤仔 得好少咋,D 油就用响面,糖就响底,於是我倒左D油呀,攤左一陣好難切呀! 一岩一忽咁, 麻煩你點下我。 點解煮唔到好以周老師咁稠身好以糊既?
回覆刪除不過亞女話好味,D 糖一大一細,都唔知埋唔埋尾沾朱古力同杏仁角好。
啱啱整個以上份量,點解 D 糖 (已煮到變金啡,唔係太淨深)同D 牛油撈唔埋呀! 我倒出放入個小形方盤仔 得好少咋,D 油就用响面,糖就响底,於是我倒左D油呀,攤左一陣好難切呀! 一岩一忽咁, 麻煩你點下我。 點解煮唔到好以周老師咁稠身好以糊既?
回覆刪除不過亞女話好味,D 糖一大一細,都唔知埋唔埋尾沾朱古力同杏仁角好。
[版主回覆12/31/2008 14:49:00]所有材料一同放煲入煲溶, 點會撈唔埋? 同埋... 點睇到佢係撈唔埋, d糖滾到咁, 應該睇唔到, 且埋照計溶哂之後, 材料應該係"不分你我"了 有網友跟著做, 都好成功噃---> http://hk.myblog.yahoo.com/joeylee926
你有無用溫度計, 相信你未將糖煮至150度噃。 如糖煮好, 口感同切時都好好咕喎!
另外, 得好少份量方面.. 我在食譜己列出了成品的容量: 21cm (L) x 5cm (W) x 1.5cm (H), 可自己計算用合適的容器來做出成品。
我唔知你製作過程係點, 不如你詳細d講過我聽, 好嗎?? 睇下有咩問題..
我將所有材料倒入個牛奶煲度開火,冇耐佢就滾到起大泡,我都有用溫度計,我一路攪佢,見D油同糖膠都撈唔埋既 (就好以點燒肉果D芥辣加一層油咁,唔係以唦嗲醬多D,一D 都唔以周老師條LINK 度見個D咁稠),再煲一陣個煲邊就開始燶,死啦,我知失敗嘞,於時倒落個13*19cm*1.5cm 個長方盤度,啤左d 油(早知用量杯量下有幾多),啤完就倒入不沾布度,用麵棍用碌下佢,攤下一陣,用菜刀切 (應該係斬,洗野時發覺塊在俾我斬到有好多條穿左既紋),整得十五粒好唔厚 ,又一岩一忽既所謂拖肥糖。 老公放左工返嚟,我俾左一粒佢食,佢話好味,不過我冇話俾佢知係敗作。
回覆刪除我會再努力,整完响你報告及請教,謝謝
係呢, 你講個 SIZE 21cm (L) x 5cm (W) x 1.5cm (H), 係咪應該大約用牙膏個紙盒一開二裝囉 ?
[版主回覆12/31/2008 22:53:00]我估...應該你開得太大火! 大火到好快將材料水份抽乾, 但糖溫又未到150度, 結果一路煮, 就越來越乾, 到差不多燶先夠150度... 所以咁樣失敗左...
記住... 呢個份量, 煮糖過程由開火個刻到熄火, 應該係8-10分鐘, 如果你好快到150度, 証明你太大火囉。另外, 放材料時, 將牛油放軟先, 等快D可以同糖煮到混合。仲有, 材料放入時, 唔洗點攪佢架, 開中火或小火, 一路煮, 久唔久搖下個煲等D糖可以溶好D, 跟住開始起泡泡先用野攪下佢, 到滾到大泡, 又多幾下等D泡消下唔好滾瀉。留意第二點我係寫: "其間輕輕攪拌幾下,"嘛, 攪太多糖會好易結塊。
另外, 你都知呢個食譜份量係小的, 所以唔好用個咁濶咁大既煲, 我用一個細細的小煲, 煲的直徑只有五/六吋咋, 材料小, 用太大個煲好快會煲乾D材料都仲未到150度, 我個煲係普通不锈鋼煲, 但一樣無"痴"底架! 你再試下啦!
SIZE 21cm (L) x 5cm (W) x 1.5cm (H), 你計算下佢容量, 再挑算容器吧!! 祝你成功!
多謝你指點呀! 呢幾日我會再整
回覆刪除我今日都試整了,但出嚟的效果卻有些偏苦。
回覆刪除[版主回覆01/11/2009 18:36:00]你將糖煮燶了.................
請看我下面回應"霞女"的資料吧!
好利害呀!!!!我好想整呀!!但.我想問..
回覆刪除"粟膠/水苔麥芽 1湯匙 (用麥芽糖也可)"
咁你有無用過麥芽糖?
用GE話..成品係唔係同用栗膠一樣?
糖GE份量係唔係要減減?
[版主回覆01/16/2009 22:48:00]咁你有無用過麥芽糖?<---- 有!
用GE話..成品係唔係同用栗膠一樣?<- 係!
糖GE份量係唔係要減減? <-唔洗!
請問一份材料可以做到幾多粒呢? thx thx
回覆刪除謝謝分享做法丫, 我勁鍾意食呢隻糖的, 前日試做了, 好成功丫 ^^
回覆刪除因為見留言有朋友話糖同D 牛油撈唔埋, so 我跟你既材料之外加了1湯匙卵磷脂做乳化劑(見周老師有用的), 好正好好味丫, 以後慳返唔少
我成功咗罅,多謝你分享個食譜呀! 今次個煲仲好乾淨呀,冇燶到呀
回覆刪除Hi!妳好!我按照妳提供的食譜煮了一次,煮後待糖凝固時,有很多油在糖的表面,請問這時正常嗎!
回覆刪除你好呀 , 想問個煲是要特別不同嗎 ?
回覆刪除我之前用普通煲 , 煮完浸凍水 , 即硬咗 . 洗唔到 ,
谢谢 。
我想問下個口感係軟淋淋個d.. 定係硬身嫁?? 我想整軟淋淋個d拖肥糖喔.. 有冇好食譜介紹?? =]
回覆刪除