聖誕曲奇篇~玻璃窗曲奇
再來聖誕曲奇, 不多說了, 立即介紹!
材料:
牛油 50g
糖粉 50g
蛋 15g
低筋面粉 70g
抺茶粉 10g (可改用可可粉, 效果一樣是充滿聖誕氣氛)
杏仁粉 20g
士多啤梨果醬 適量
1) 牛油放軟跟糖粉混合, 再加入蛋攪勻, 篩入面粉, 抺茶粉及杏仁粉混合, 搓成面團, 放入雪櫃2小時取出擀至5mm厚, 用模壓出曲奇, 部份則再用同款曲奇模但尺寸小一點的, 壓出中空曲奇
2) 170度焗10-15分鐘, 待涼
3) 果醬放入煲內好小火煮至濃稠
4) 果醬趁熱塗少許在一塊實心曲奇上, 然後上面放一塊中空曲奇, 再將果醬注滿中空部份, 待涼後包裝
*** 果醬要趁熱淋上, 否則涼了會變杰身及有點凝固
*** 果醬煮至濃稠, 塗在曲奇上就不會令曲奇變淋
一大一小樹葉模
做得好靚呀 ....... 仲好應節添 ........
回覆刪除[版主回覆12/12/2008 13:35:00]攪下氣氛嘛!
嘩~越來越有驚喜.
回覆刪除[版主回覆12/12/2008 13:35:00]客氣!
呢個玻璃窗曲奇都好靚呀, 不過要整兩塊"痴"埋先叫完成, 咁咪又焗好多, 哈哈! 我又懶wor, 加上要大量製造, 所以我諗我會焗小量呢個, then 大量聖誕樹同樹葉, 哈哈! 不過我估你仲有好仲介既, 所以我都係睇完d先...
回覆刪除[版主回覆12/12/2008 13:35:00]嘩, 你有哂計劃喎, 下個星期尾先開工??
你屋企真係好多綠茶粉存貨喎, 整極都仲有, 你呢隻粉個綠好正呀
回覆刪除[版主回覆12/12/2008 13:34:00]我覺得落得太多哩!
this one really looks fabulous
回覆刪除[版主回覆12/12/2008 13:22:00](Empty)
你的聖誕食品仲有幾多............一次過收到的人就正喇!!!!
回覆刪除[版主回覆12/12/2008 13:21:00]陸續有來呢!
嘩.. 你整左好多聖誕曲奇wor~~ 你個聖誕曲奇禮盒一定好吸引啦~~~
回覆刪除[版主回覆12/12/2008 13:20:00]呢個只係預演, 哈哈!
聖誕節食哩隻曲奇餅，夠哂應節啊
回覆刪除[版主回覆12/12/2008 13:20:00]送禮自用, 都咁啱架!
我鍾意呢款曲奇呀~抺茶我愛你~
回覆刪除[版主回覆12/12/2008 13:18:00]我都鐘意抺茶呢!
我勁失暈, 成日覺得係christmas前先開工... 但後尾先醒起, 我第一個christmas party係聽日, wakakaka~!!! ... 所以我而家已經焗緊曲奇了, 一陣仲要整蛋糕, 好鬼忙呀! 但我而家焗曲奇焗到好炆呀, 因為我用既樹葉模唔同你果個, 我果個好多角位, 個角好易燶呀, 討厭...
回覆刪除[版主回覆12/16/2008 21:40:00]哈哈...你都好多PARTY開喎!
好靚靚呀！我都一路想整這類cookies....等遲Ｄ聖誕有時間一定要開工先得！
回覆刪除[版主回覆12/16/2008 21:39:00]快手開工勒! 聖誕快到哩!
加埋果醬, 又靚又好味呢~
回覆刪除[版主回覆12/16/2008 21:39:00]過奬呀!
我尋日用左你個食譜整左曲奇喇... 抹茶味好味呀...! 你得閒睇下我既製成品比d意見呀...!
回覆刪除係呢, 你嚟緊仲有無第二d款呀?? 我仲想偷師呢...!
[版主回覆12/16/2008 21:39:00]不好意思呀, 病病地呀, 所以無開爐呀!
睇你blog樣樣野都真係好有聖誕氣氛好開心呀
回覆刪除[版主回覆12/16/2008 21:38:00]越來越近聖誕呀! 好興奮呀!
好靚呀~
回覆刪除請問你個樹葉曲奇模起邊間烘焙店買架??
因為我而家都急住用...
thx~