香蕉合桃戚風蛋糕
脫模有點失手! 弄花了喔!
香蕉戚風, 很Q潤, 很柔軟, 軟熟程度比豆腐戚風還要好!
加入含水量不多的果泥所做出的戚風, 蛋糕很容易會出現"死死實實"的情況, 主要果泥水份少, 而且較重, 令膨漲的能力不太理想! 但只要用加入清水調節面糊的稀杰度, 想做出沒有"腰骨"的戚風, 並沒有難度!
今趟蛋黃面糊的稀杰度調較得相當好, 原食譜水的份量是40g, 但當時面糊有點杰, 結果我最後加了60g的水!
蛋黃 40g
砂糖 35g
沙拉油 40g
水 40g (我加至60g)
冧酒 15g (我用了杏仁酒)
香蕉 160g (壓爛)
合桃肉 45g (切細碎)
低筋面粉 80g
肉桂粉 2大匙
鹽 1/8茶匙
蛋白 160g
砂糖 20g
1) 蛋黃加砂糖35g拌至溶合, 分別加入沙拉油, 水, 冧酒, 香蕉混合, 再加入過篩的面粉,肉桂粉及鹽拌勻
2) 蛋白加砂糖20g打至濕性發泡, 與1)混合後, 加入一半合桃肉拌勻, 倒三分一面糊入17cm模內, 再灑上合桃肉, 再倒面糊, 再灑合桃肉, 將剩餘面糊倒入, 170度焗40分鐘, 倒扣一晚或完全涼透後脫模
它, 就是這樣沒有"腰骨"…
又用新玩具作包裝, 好玩又方便!
一會兒就完成包裝咯!
真的很密實哩!
真係叻! 我都係擔心有香蕉泥會令蛋糕升得夠鬆軟. 所以只整過一次.
回覆刪除睇完你的講解, 我又學到野啦.
重有埋獨立包裝, 配服!
[版主回覆08/26/2008 13:14:00]擔心有香蕉泥會令蛋糕升得夠鬆軟 <-- 呢個擔心係正常, 所以我調較水份來令面糊輕身d
多謝欣賞!
個模幾大?
回覆刪除[版主回覆08/26/2008 13:13:00]17CM模啊!
有呢部封口機又幾方便喎
回覆刪除[版主回覆08/26/2008 19:22:00]買番部睇門口都唔錯架!
整得好好呀！還有獨立包裝添...正喎！
回覆刪除[版主回覆08/26/2008 19:23:00]獨立包裝會存氣D嘛!
你部封口機真係好勁喎!!!
回覆刪除[版主回覆08/26/2008 19:22:00]HEHE...小小勁咁啦! 勝在平靚正! 又方便囉!
你看....你那個識做體操架.......幾勁!
回覆刪除[版主回覆08/26/2008 19:26:00]難度係3.8, 唔係太高難度啫!
我都有個封口機, 不過仲未control得佢好好地呢 , 一睇就知呢個風吹到朋腰骨都斷喇
回覆刪除[版主回覆08/27/2008 13:51:00]無法啦, 骨質疏鬆, 下次我咁d高鈣低B奶佢飲啦!
你部封口機有無得較溫度, 我部有1-7個溫度, 我較4, 壓4-5秒就ok!
吾該比一包我呀!
回覆刪除[版主回覆08/27/2008 13:49:00]一包, 無哂靱, 手快有, 手慢無! 哈哈!
望落好似好鬆軟咁喎 ：)
回覆刪除我又要喱部機呢 ~~~
回覆刪除呀喲 ~ 特別正
不止手工 ,還弄得一手好甜品 , 真令人羨慕
回覆刪除[版主回覆08/30/2008 18:09:00]太客氣了!
唔好意思呀, 我有D關於朱古力既問題想問下~
回覆刪除我未用過轉印紙, 如果我想整蛋糕既朱古力圍邊, 係唔係將轉印紙鋪係模既內圍, 再搽上一層朱古力, 朱古力硬左再拆出黎???
定係搽朱古力上轉印紙到, 再包住個蛋糕, 朱古力硬左就撕開轉印紙???!!
仲有呀, 我見到轉印紙只係得A4 size, 唔夠圍一個8吋模, 咁咪要分開兩段囉?? 如果唔同轉印紙, 係唔係用牛油紙整都得??!
麻煩你幫下我手呀, 唔該晒~
[版主回覆08/31/2008 18:24:00]首先, 如果你不懂朱古力調溫, 就算比你用到張轉印紙, 最後朱古力都會因為調溫不當, 而出現白點等情況, 好樣衰架! 而調溫技術也不是三這兩語可以用文字表達.
無論如何, 我當你懂調溫吧! 將朱古力倒在你已裁好大小的轉印紙上, 一張唔夠咪用兩張囉, 好簡單! 跟住抺平朱古力, 待半凝固時, 圍在完成好而又脫好模的蛋糕外, 放入雪櫃20分鐘左右, 取出, 一口氣撕掉轉印紙, 即成!
但其實, 硬脆脆的朱古力圍在蛋糕邊上, 一切.... 咪四分五裂囉, 會唔會古怪左小小.....???
最近我都身痕想買封口機
回覆刪除您的要多少$一部?? 上海街買?
[版主回覆08/31/2008 21:32:00]$138, 深水埗一間文員店買!
其實, 好多工廠區附近的文儀用品店都有得賣, 好容易搵到..
Lyric:
回覆刪除唔該晒你呀~
其實係因為我男友年尾生日, 我年年都會整個生日蛋糕比佢的, 早排同佢行街, 見到有個蛋糕, 有朱古力圍邊, 佢話好靚, 仲係到問我: "你整過朱古力比我食, 但點解唔見你整比我既蛋糕有朱古力圍邊既??"
我咪答佢: "我唔識整圍邊囉~"
佢就話我: "咪一樣都係用朱古力整, 有咩分別呀??"
我同佢講, 兩樣係唔同的, 仲話佢知蛋糕用朱古力圍邊會好怪, 切開咪會碎晒囉~ 佢話: "唔緊要啦, 唔食得都睇得先呀嘛"~ (乜我而家整d野好難食咩??! )
咁我見佢講到咁, 咪又諗住試下整朱古力圍邊囉, 我會整兩個蛋糕, 一個係同佢&佢班朋友一齊慶祝個時食, 一個比佢拎返屋企同屋企人食, 我諗住佢拎返屋企個個先整圍邊, 到時搞到碎晒都唔關我事~ 等佢自己抹, 等佢講得咁口輕輕呀啦~ (我係唔係好衰呢?! )
點都好, 唔該晒你先呀~
我以前做戚風蛋糕脫模都係唔靚，但係有網友話徒手脫模會脫得更靚，唔會俾工具整難個蛋糕，所以後來便用此方法，真係脫得好靚，因為戚風蛋糕彈力好好，就算按扁它都會彈番上黎．
回覆刪除