Gateau classique au chocolat
大爺: 貓, 一早起來攪攪攪….什麼?
貓: 古典朱古力蛋糕啊~~
大爺: 點解個面裂既…
貓: 個面裂, 同好似你咁有條肥腰, 係呢個蛋糕的特色唷~
大爺: …我條肥腰….
這款蛋糕, 誰試了一口, 都會被它濃郁的朱古力味道和軟綿綿的口感, 深深吸引著…
還配上輕輕柔柔的淡忌廉, 噢… 令朱古力味更為突顯, 真是魅力沒法擋!
53%朱古力 65g 牛油 50g 可可粉 40g 淡忌廉 65g 蛋黃 55g 糖 30g 蛋白 80g 糖 70g 低筋麵粉 20g 做法: 1) 牛油室溫放軟, 攪拌幾下成忌廉狀 2) 朱古力坐溶, 加入1)拌勻, 再篩入可可粉, 忌廉加熱至37-40度入加入拌勻 3) 蛋黃加30g糖坐熱水打至淡黃色, 加入2)中, 再篩入麵粉 4) 蛋白加70克糖打至企身, 入次加入3) 中,輕手拌勻, 倒入6吋模中, 170度焗50分鐘後熄爐, 留在爐中燜10分鐘才取出
小小貼士
: 如不想面裂太多, 蛋白霜加時盡量溫柔些去混合, 然後立即入爐, 可以舊blog成品圖片 如喜歡, 可以撒上糖霜在蛋糕面, 但我不喜歡啊! 剛焗好的蛋糕不會是最好吃的, 最好吃是放置了一天後(天涼時放室內, 天熱時放雪櫃) 我這趟太心急, 上午焗好, 隔一會就切開, 面有小許碎碎, 但如明天才切, 不單不會碎, 還會更好吃呢! 伴吃的淡忌廉, 打發時不要加糖啊! 就讓舌頭好好享受朱古力的味道吧!
嘩，哩個蛋糕啱晒古朱力怪，我代哩個蛋糕同大家講一聲：我很醜，但我很好味！哈哈！
回覆刪除[版主回覆03/22/2008 21:04:00]真係好朱古力呀! 我差不多一個人吃了半個!
睇見個蛋糕已經覺得佢有濃濃既朱古力味!!!!!好想食返件呀~~~~
回覆刪除[版主回覆03/22/2008 21:03:00]好呀.. 咁..要杯茶嘛..?
查查講得啱，蛋糕又說：雖然我無外在美，但有內在美呀～
回覆刪除[版主回覆03/22/2008 21:03:00]今次都唔係好醜.. 不過都係以前整得靚D...而家生疏了..
勾起我想整呀！
回覆刪除[版主回覆03/22/2008 21:02:00]快D整啦.. 好味道架.!
肯定好濃味, 最啱朱古力人.
回覆刪除[版主回覆03/22/2008 21:02:00]所以咪O岩哂我呢D朱古力怪, 哈哈..
我也是喜欢雪完再吃，更好味
回覆刪除[版主回覆03/24/2008 20:14:00]天氣涼, 就不用放冰箱啊..